Þingmenn sinna mikilvægum störfum og gott að þeir séu margbreytilegur hópur. Hér eru þau fimm sem yngst voru þegar þau settust á þing á öldinni. Athygli vekur að tvö á þessum lista voru jafn gömul upp á dag þegar þau urðu þingmenn.
JÓHANNA MARÍA SIGMUNDSDÓTTIR
Fædd: 1991 | Kjörin: 2013 | Aldur: 21 ár og 303 dagar
Jóhanna María er yngsti þingmaður Íslandssögunnar. Enginn hefur verið kjörinn yngri en hún. Hún var þingmaður Framsóknarflokksins í Norðvesturkjördæmi til ársins 2016. Jóhanna María er nú verkefnastjóri atvinnu-, markaðs- og ferðamála hjá Dalabyggð.
BIRKIR JÓN JÓNSSON
Fæddur: 1979 | Kjörinn: 2003 | Aldur: 23 ár og 290
dagar Birkir Jón var þingmaður Framsóknarflokks í Norðausturkjördæmi í tíu ár. Hann varð formaður iðnaðarnefndar 24 ára og formaður fjárlaganefndar aðeins 26 ára gamall. Í dag er Birkir Jón bæjarfulltrúi Framsóknar í Kópavogi.
ÁSTA GUÐRÚN HELGADÓTTIR
Fædd: 1990 | Tók sæti á þingsetningardegi 2015 | Aldur: 25 ár og 215 dagar
Ásta Guðrún var þingmaður Pírata í Reykjavíkurkjördæmi suður í tvö ár. Hún varð þingflokksformaður 27 ára gömul. Í dag rekur Ásta Guðrún pólitíska sportbarinn Forsetann á Laugavegi í Reykjavík
HARALDUR EINARSSON
Fæddur: 1987 | Kjörinn: 2013 | Aldur: 25 ár og 215 dagar
Haraldur var þingmaður Framsóknarflokks í Suðurkjördæmi. Haraldur sendi frá sér tilkynningu fyrir kosningarnar 2016, þar sem hann sagði að hann og nýbökuð eiginkona hans ætluðu að flytja til foreldra hans í sveitinni á Urriðafossi og gerast bændur
ÁSLAUG ARNA SIGURBJÖRNSDÓTTIR
Fædd: 1990 | Kjörin: 2016 | Aldur: 25 ár og 334 dagar
Áslaug Arna var kjörin á þing fyrir Sjálfstæðisflokkinn í Reykjavíkurkjördæmi norður árið 2016 og situr þar enn. Áslaug lauk BA-prófi frá Háskóla Íslands árið 2015 og MAprófi frá sama skóla 2017. Í fyrra tók hún við embætti dómsmálaráðherra og varð þar með næstyngsti ráðherra Íslandssögunnar.
Heimild um aldur þingmanna þegar þeir settust fyrst á þing/Alþingi.is