Litlar breytingar eru á fylgi stjórnmálaflokkanna í nýjum þjóðarpúlsi Gallup. Ríkisstjórnin nýtur meirihlutafylgis aðspurðra, eða 57%, en sá stuðningur hefur minnkað um þrjú prósent frá síðustu könnun.
Sjálfstæðisflokkur er stærstur með 24% og minnkar um eitt prósentustig frá síðustu könnun.
Samfylkingin er næststærst með tæplega 15%.
VG eru með 13,6%
Píratar eru með 10,7% og Viðreisn 10,5. Miðflokkurinn er með 10,2%
Nokkuð þar á eftir kemur Framsóknarflokkurinn með 8,6%
Sósíalistaflokkur Íslands og Flokkur fólksins eru báðir með innan við fjögur prósent og myndu ekki ná mönnum á þing miðað við þessa niðurstöðu.
Um var að ræða netkönnun sem gerð var dagana 2. til 30. júní. Heildarúrtak var rúmlega 10 þúsund manns og tóku rétt rúmlega helmingur afstöðu.