fbpx
Laugardagur 15.ágúst 2020
Eyjan

Gunnar Smári sendir stjórnendum Icelandair væna pillu – „Þetta getur því ekki endað nema illa“

Máni Snær Þorláksson
Sunnudaginn 19. júlí 2020 14:00

Ekki missa af Helstu tíðindum dagsins í pósthólfið þitt

Lesa nánar

Gunnar Smári Egilsson, stofnandi Sósíalistaflokksins, virðist ekki vera ánægður með stjórnendur Icelandair. „Á maður að fagna því að einhverjum gaurum hefur tekist að beygja niður flugstéttirnar í von um að það dugi svo svokallaðir fjárfestar geti reiknað gríðarlega arðsemi af tilleggi sínu, svo ríkisstjórn Katrínar Jakobsdóttur verðlauni þetta grimma ferli með 10-20 milljarða króna gjöf úr ríkissjóði til nýrra eigenda?“ spyr Gunnar í Facebook-hóp Sósíalistaflokksins.

„Mér finnst þetta hálfvitaleg leið til að bjarga flugsamgöngum til og frá landinu,“ segir hann. „Þetta er leið sem lituð er af löngu dauðum kennisetningum nýfrjálshyggjunnar um að aðeins áhættufjármagn, hrægammasjóðir, geti tekið réttar ákvarðanir í fyrirtækjarekstri; að fámenn valdaklíka innan fyrirtækja sem stefnir að sem mestum persónulegum eigin ávinningi, sé rétta fólkið til að stýra ferlinu; og að verkalýðurinn eigi að beygja sig undir kröfur fjármagnseigenda og gefa frá sér ávinninginn af aldalangri baráttu alþýðunnar fyrir því að hægt sé að lifa mannsæmandi lífi af launavinnu.“

Gunnar segir þennan björgunarleiðangur vera byggðan á vitleysu og því geti hann aldrei leitt til góðs. „Flugfélag sem endurreist verður með framlagi úr almannasjóðum verður að taka fleiri hagsmuni inn en kröfur hrægammasjóða og eigenda þeirra.“

Hann segir góðan rekstur verða að vera í sátt við starfsfólkið, viðskiptavinina, náttúruna og samfélagið. „Gaurarnir sem reka áfram svokallaða endurreisn Icelandair gera ekkert af þessu, brjóta þvert á móti niður inneign félagsins hjá samfélaginu, starfsfólkinu og viðskiptavinunum; sannfærðir um að þeir séu að vinna fyrir heilagra sjónarmið sem allt annað verður að lúta; kröfur fjárfesta um aukna arðsemi; að þeir geti dregið meira fé upp úr rekstrinum.“

Að lokum botnar hann færsluna með framtíðarspá. „Þetta getur því ekki endað nema illa. Það sem byggt er á hreinni heimsku verður aldrei gáfulegt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 3 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 3 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“