fbpx
Fimmtudagur 09.júlí 2020
Eyjan

Grunar Gallup um græsku eftir skellinn í gær – „Fyrrverandi Kaupþingsmenn sem eru með dóma á sér“

Trausti Salvar Kristjánsson
Fimmtudaginn 4. júní 2020 13:00

Guðmundur Franklín

Ekki missa af Helstu tíðindum dagsins í pósthólfið þitt

Lesa nánar

Guðmundur Franklín Jónsson, forsetaframbjóðandi, tekur ekki mark á niðurstöðu Þjóðarpúls Gallup, sem birt var á RÚV í gær og sýnir Guðna Th. Jóhannesson forseta með 90% stuðning meðan Guðmundur fær einungis 10%.

Hann grunar Gallup um græsku, en vill þó ekki fullyrða að fiktað hafði verið í niðurstöðunum.  Hann segist að vísu ekki hafa skoðað niðurstöðurnar, en telur þær engu að síður ómarktækar:

 „Það er ekkert að marka þessa könnun. Það eru búnar að vera bæði kannanir hjá ykkur á DV og annarsstaðar sem eru miklu marktækari,“

sagði Guðmundur við Eyjuna í morgun.

Þess skal getið að netkönnun DV, sem og aðrar sambærilegar netkannanir, standast ekki vísindalegar kröfur sem gerðar eru til marktækra kannana. Var það skýrt tekið fram í netkönnun DV.

Guðmundur taldi það þó einu gilda:

 „Kannanirnar sem við höfum gert sýna allt annað. Við gerum okkar kannanir og förum eftir þeim og svo kemur síðan bara í ljós hvað kemur upp úr kjörkössunum.“

Grunar Gallup um græsku

Guðmundur vildi fara varlega í ásakanir um svindl, en sagðist þó hafa sínar grunsemdir:

„Gallup er búið að fara tvisvar á hausinn, semsagt Capacent, og þeir sem standa að þessari könnun eru fyrrverandi Kaupþingsmenn sem eru með dóma á sér og ég tek ekkert mark á þessari könnun. Ég er ekki að segja að þeir hafi gert eitthvað, en ég gruna þá um græsku,“

sagði Guðmundur en Capacent óskaði eftir gjaldþrotaskiptum á dögunum.

 „Ég veit að það er mikil Þórðargleði hjá RÚV og það er allt í lagi, þetta er bara samkeppni. Harðsvíruðustu harðstjórar heimsins birta ekki einu sinni svona kannanir, en þetta er alveg í takti við allt sem kemur úr herbúðum mótframbjóðandans.“

Inntur eftir því hvort hann teldi að Guðni forseti hefði á einhvern hátt haft áhrif á könnunina, vildi Guðmundur ekki ganga svo langt:

„Hann veit eflaust ekkert um þetta sjálfur og er ekkert að taka þátt í þessu þannig, en það er bara hans fólk sem er í kringum hann sem er eflaust eitthvað að leika sér.“

Elítan hagnist á Guðna

Aðspurður hvort Guðmundur teldi virkilega að stuðningsmenn Guðna hefðu haft einhver áhrif á niðurstöður Þjóðarpúls Gallup, sem hafi gert kannanir um hitt og þetta í gegnum árin, vildi hann ekki taka svo djúpt í árinni. Hann hefði enga vitneskju um slíkt, en það væri vitað að kannanir Gallup væru gerðar til að stýra kjósendum og elítan hefði hag af því að Guðni sigraði í kosningunum:

„Hún hefur allan hag af þessu, hvað heldurðu að elítan vilji breyta hlutunum? Ef þetta verður niðurstaðan, að Guðni fái 90%, eins og Mugabe í Afríku, þá forherðist elítan og allt verður selt á næsta kjörtímabili, bankarnir allir og Landsvirkjun með,“

sagði Guðmundur og nefndi að hann ætlaði að greina nánar frá því síðar hverjir stæðu á bakvið könnun Gallup:

„Ég tek ekki mark á þessari könnun, miðað við þær viðtökur sem ég er að fá, allsstaðar. Ég er alveg búin að finna út hverjir standa á bakvið þessa Gallupkönnun og á eftir að segja betur frá því. Ég var bara að bíða eftir því hvenær þeir kæmu með þessa könnun. Svo býst ég fastlega við því að það komi núna önnur könnun frá EMC sem er búið að ´prime-a´ hjá RÚV og hún kemur eflaust í dag eða á morgun, en það er svona tölvuleikur sem gerður er fyrir símana hjá ungu fólki og niðurstaðan verður alveg í líkingu við könnun Gallup, vittu til,“

sagði Guðmundur og nefndi að hann ætlaði að bíða átekta með að birta niðurstöður þeirra kannanna sem hann hefði staðið fyrir, eða hans stuðningsmenn.

Hvergi banginn

Hann skrifaði færslu á Facebook í morgun þar sem hann segist sjálfur mælast með 45% í öðrum könnunum og minnist þess að árið 2016 hafi Halla Tómasdóttir fengið lítið fylgi í fyrstu mælingu:

„Nei sko… RÚV var að gera könnun og ákvað að gefa mér 10% þegar ég er að mælast með um 45% alls staðar annars staðar. Það er ekki skrýtið að Efstaleitið skjálfi þegar ég hef lýst því ítrekað yfir að ég vilji taka þessa ESB áróðursstofnun af auglýsingamarkaði. Ég minni á að Halla var að „mælast“ með 7,5% í RÚV-gallup könnuninni á sama degi síðast og við munum nú öll hvernig það fór. Áfram til sigurs!“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 3 dögum

Lögreglumenn þurftu að fara í sóttkví eftir atvik í vinnunni – Fá ekki greitt

Lögreglumenn þurftu að fara í sóttkví eftir atvik í vinnunni – Fá ekki greitt
Eyjan
Fyrir 4 dögum

Gefur lítið fyrir áhuga ríkisstjórnarinnar á afglæpavæðingu

Gefur lítið fyrir áhuga ríkisstjórnarinnar á afglæpavæðingu
Eyjan
Fyrir 6 dögum

Björn Leví bendir á alvarlegan galla við klára fullt kjörtímabil

Björn Leví bendir á alvarlegan galla við klára fullt kjörtímabil
Eyjan
Fyrir 6 dögum

Formenn stjórnmálaflokkanna funda um tímasetningu næstu þingkosninga

Formenn stjórnmálaflokkanna funda um tímasetningu næstu þingkosninga
Eyjan
Fyrir 1 viku

Þorgerður Katrín gagnrýnir ummæli fjármálaráðherra og segir þau gamaldags

Þorgerður Katrín gagnrýnir ummæli fjármálaráðherra og segir þau gamaldags
Eyjan
Fyrir 1 viku

Þingmaður fékk sérstaka sendingu inn um bréfalúguna – „Það er einhvern veginn allt leyfilegt“

Þingmaður fékk sérstaka sendingu inn um bréfalúguna – „Það er einhvern veginn allt leyfilegt“