fbpx
Laugardagur 15.ágúst 2020
Eyjan

Meirihluti Íslendinga telur kynþáttafordóma algenga hér á landi

Kristján Kristjánsson
Þriðjudaginn 23. júní 2020 08:00

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Rúmlega 57% Íslendinga telja kynþáttafordóma algenga hér á landi. 10% telja kynþáttfordóma mjög algenga og 47% telja þá frekar algenga. Rúmlega fjórðungur telur kynþáttafordóma sjaldgæfa og tæplega 17% telja þá hvorki algenga né sjaldgæfa. Þetta eru niðurstöður nýrrar skoðanakönnunar.

Fréttablaðið skýrir frá þessu í dag en það voru Zenter rannsóknir sem gerðu könnunina fyrir blaðið.

„Ég vona að Íslendingar séu að verða tilbúnir til að ræða þetta vandamál því það hefur verið mikil afneitun um tilvist kynþáttafordóma hér.“

Sagði Sanna Magdalena Mörtudóttir, borgarfulltrúi, í samtali við blaðið. Hún sagðist hafa upplifað aukna viðurkenningu á vandamálinu hér á landi að undanförnu.

72% kvenna telja kynþáttafordóma algenga hér á landi en hjá körlum er hlutfallið 43%.

„Þegar ég lít til baka held ég að konur hafi verið duglegri en karlar við að deila upplifun af misrétti og fordómum, kannski hefur það áhrif og karlar sem spegla sig kannski frekar í öðrum körlum upplifi þetta síður.“

Er haft eftir Sönnu sem hvetur fleiri karla til að stíga fram og deila reynslu sinni af fordómum.

Þegar niðurstöðurnar eru flokkaðar niður eftir hvaða stjórnmálaflokka fólk kýs þá kemur í ljós að rúmlega 70% kjósenda Pírata og Vinstri grænna telja kynþáttafordóma algenga. Hlutfallið er aðeins lægra hjá kjósendum Samfylkingarinnar. Hjá kjósendum Viðreisnar og Flokks fólksins telja 56 og 57% að kynþáttafordómar séu algengir.

Tæplega 40% kjósenda Miðflokksins, Framsóknarflokksins og Sjálfstæðisflokksins eru þeirrar skoðunar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“