fbpx
Fimmtudagur 09.júlí 2020
Eyjan

Míla dregur úr fjárfestingum á landsbyggðinni

Kristján Kristjánsson
Miðvikudaginn 27. maí 2020 08:00

Merki Mílu. Mynd:Míla

Ekki missa af Helstu tíðindum dagsins í pósthólfið þitt

Lesa nánar

Míla hyggst draga úr fjárfestingum sínum í þéttbýli úti á landi og dreifbýli vegna aukinna kvaða sem Póst- og fjarskiptastofnun (PFS) hyggst leggja á fyrirtækið en það á og rekur helstu fjarskiptainnviði landsins.

Markaður Fréttablaðsins skýrir frá þessu í dag. Haft er eftir Jóni Ríkharði Kristjánssyni, framkvæmdasjtóra Mílu, að niðurstöður PFS séu í andstöðu við stefnu stjórnvalda um hagkvæma uppbyggingu fjarskiptainnviða.

„Það verður kannski á bilinu 2-300 milljónir króna í ár. Áætlun ársins gerði ráð fyrir að Míla myndi leggja ljósleiðara til rúmlega 4 þúsund heimila á þéttbýlisstöðum úti á landi en hluti þeirra verður stöðvaður vegna forsendubrestsins. Að auki erum við að draga okkur út úr áformuðum verkefnum í dreifbýli.“

Sagði Jón þegar hann var spurður út í fjárhagslegt umfang þeirra verkefna sem Míla mun nú hætta við vegna aukinna kvaða.

PFS hyggst viðhalda fyrri kvöðum og leggja nýjar og frekari kvaðir á starfsemi Mílu samkvæmt drögum að nýrri markaðsgreiningu. Ein þeirra kvaða sem verður sett snýr að jafnaðarverði um allt land þegar kemur að ljósheimtaugum og bitastraumsaðgangi.

„Áhrif þessara breytinga eru verulegar. Míla hefur fjárfest fyrir milljarða í uppbyggingu ljósheimtauga og bitastraums um allt land og þær fjárfestingar byggðu á fyrirliggjandi reglum og fyrri yfirlýsingum PFS um að ekki yrði lögð jafnaðarverðskvöð á þessa þætti. Við sem stöndum í dýrum langtímafjárfestingum í innviðum verðum að geta treyst því að forsendum fjárfestinga sé ekki kollvarpað án mjög ríkra ástæðna.“

Er haft eftir Jóni sem benti á að fyrirtæki sem bera jafnaðarverðskvöð geti í raun aðeins fjárfest af skynsemi á svæðum þar sem uppbygging hverrar tengingar er ódýr og þar með hagkvæm. Nú þurfi Míla að leggja alla áherslu á hagkvæma uppbyggingu félagsins á höfuðborgarsvæðinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 3 dögum

Sigmundur segir að markmiðið sé að neyða fólk í strætó

Sigmundur segir að markmiðið sé að neyða fólk í strætó
Eyjan
Fyrir 3 dögum

Lögreglumenn þurftu að fara í sóttkví eftir atvik í vinnunni – Fá ekki greitt

Lögreglumenn þurftu að fara í sóttkví eftir atvik í vinnunni – Fá ekki greitt
Eyjan
Fyrir 6 dögum

3,6 milljörðum úthlutað til öflunar hagkvæmra leiguíbúða á landinu

3,6 milljörðum úthlutað til öflunar hagkvæmra leiguíbúða á landinu
Eyjan
Fyrir 6 dögum

Björn Leví bendir á alvarlegan galla við klára fullt kjörtímabil

Björn Leví bendir á alvarlegan galla við klára fullt kjörtímabil
Eyjan
Fyrir 1 viku

Segir að ríkisstjórnin hafi sýnt styrk sinn

Segir að ríkisstjórnin hafi sýnt styrk sinn
Eyjan
Fyrir 1 viku

Björn Leví segir Kolbeini að „fokka sér“

Björn Leví segir Kolbeini að „fokka sér“