fbpx
Miðvikudagur 27.maí 2020
Eyjan

Auðmenn og fjárfestar horfa hýru auga til Play vegna vanda Icelandair – „Alltaf opnir fyrir tækifærum“

Trausti Salvar Kristjánsson
Föstudaginn 15. maí 2020 10:02

Ekki missa af Helstu tíðindum dagsins í pósthólfið þitt

Lesa nánar

Íslenskir auðmenn og umsvifamiklir fjárfestar eru sagðir bíða færis á bakvið tjöldin, tilbúnir að styðja duglega við flugfélagið Play, ef svo fer að Icelandair endi „í faðmi ríkisins“ sem talin er líklegasta niðurstaðan, þar sem félagið sé talið of kerfislega mikilvægt til að verða látið verða gjaldþrota. Eru þeir sömuleiðis sagðir líklegir til að hverfa af brott nái Icelandair sér á strik.

Er fjárfestingafélag Björgólfs Thor Björgólfssonar, Novator, og fjárfestingafélagið Stoðir sérstaklega nefnt í þessu sambandi. Þetta kemur fram í Mannlífi í dag.

Haft er eftir Júlíusi Þorfinnssyni, framkvæmdastjóra Stoða, að fylgst sé með stöðu mála, en hann hvorki játar né neitar fyrir að félagið ætli sér að stíga inn í atburðarrásina:

„Eðli málsins samkvæmt erum við alltaf opnir fyrir tækifærum og hljótum því að fylgjast með þessu.“

Stoðir, einn stærsti eigandi Arion banka, eru reistar á grunni FL Group, sem var áður stærsti eigandi Icelandair. Fram kemur í Mannlífi að flugsagan sé mikil þar, með menn á borð við Magnús Ármann, Þorsteinn (í kók) Jónsson og Örvar Kærnasted hjá TM, sem séu meðal fjárfesta Stoða, en þeir voru allir í FL Group áður.

Sá möguleiki að láta Icelandair fara á hausinn hefur þó einnig verið ræddur samkvæmt heimildum Eyjunnar.

Sjá nánar: Er planið að láta Icelandair fara viljandi í gjaldþrot ? „Algerlega raunhæf hugmynd“ segir hagfræðiprófessor

Sjá einnig: Er þetta raunverulega ástæðan fyrir hörkunni í kjaraviðræðum Icelandair ?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Baráttan um Bessastaði – Hvorn ætlar þú að kjósa ? – Taktu þátt í könnuninni

Baráttan um Bessastaði – Hvorn ætlar þú að kjósa ? – Taktu þátt í könnuninni
Eyjan
Fyrir 2 dögum

Segir flugfreyjur hjá Icelandair vel geta unnið meira – „Er engin vorkunn“

Segir flugfreyjur hjá Icelandair vel geta unnið meira – „Er engin vorkunn“
Eyjan
Fyrir 5 dögum

Bogi Nils sakaður um lögbrot – Nýtt flugfreyjufélag segist „tilbúið til umræðu“

Bogi Nils sakaður um lögbrot – Nýtt flugfreyjufélag segist „tilbúið til umræðu“
Eyjan
Fyrir 5 dögum

Telja frumvarp forsætisráðherra brjóta gegn stjórnarskránni og EES-samningnum

Telja frumvarp forsætisráðherra brjóta gegn stjórnarskránni og EES-samningnum