fbpx
Miðvikudagur 27.maí 2020
Eyjan

Seðlabankinn sparaði Samherja á annan tug milljarða

Ritstjórn Eyjunnar
Mánudaginn 6. apríl 2020 10:15

Ekki missa af Helstu tíðindum dagsins í pósthólfið þitt

Lesa nánar

Í síðustu viku var greint frá því að Samherji hefði fengið undanþágu frá Fjármálaeftirlitinu um tilboðsskyldu í Eimskipafélag Íslands. Samkvæmt lögum er eftirlitinu skylt að veita slíkar undanþágur ef sérstakar aðstæður kalla á það, en undanþágan var veitt vegna efnahagsáhrifa Covid-19. Fjármálaeftirlitið og Seðlabankinn sameinuðust í ársbyrjun 2020 undir nafni Seðlabanka Íslands.

Kjarninn greinir frá því í dag að ákvörðun Seðlabankans hafi sparað Samherja á annan tug milljarða. Þar sem eignarhlutur Samherja í Eimskipafélagi Íslands fór yfir 30 prósent þann 10. mars síðastliðnum, átti Samherji lögum samkvæmt að gera yfirtökutilboð í eftirstandandi hluti í Eimskipafélaginu.

Miðað við gengi hlutabréfanna þann 10. mars hefði það því kostað Samherja minnst 17,6 milljarða að kaupa út hina hluthafana.

Daginn eftir, þann 11. mars, hafði virði bréfanna hækkað og kostnaðurinn því verið 20 milljarðar.

Samherji sagði um hlutafjárkaupin í yfirlýsingu að þau væru fyrst og fremst gerð vegna þeirrar miklu trúar sem Samherji hefði á rekstri Eimskips.

Samherji sendi síðan þann 20. mars erindi til Seðlabanka Íslands þar sem óskað var eftir því að fá undanþágu á yfirtökuskyldu, vegna þeirra aðstæðna sem myndast hefðu vegna Covid-19 og ljóst að veðrið hefði skipast skjótt.

Sem kunnugt er hefur forstjóri Samherja, Þorsteinn Már Baldvinsson, lengi eldað grátt silfur við Seðlabanka Íslands meðan Már Guðmundsson var seðlabankastjóri, en það mál hefur nú hlotið nafnið Samherjamálið hið fyrra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Ágúst ásakar Davíð um ósannindi – „Fullkominn óþarfi að tala slíkt niður“

Ágúst ásakar Davíð um ósannindi – „Fullkominn óþarfi að tala slíkt niður“
Eyjan
Fyrir 4 dögum

Einvígi milli Guðna og Guðmundar – Skiluðu inn framboði í dag

Einvígi milli Guðna og Guðmundar – Skiluðu inn framboði í dag
Eyjan
Fyrir 4 dögum

Bogi Nils sakaður um lögbrot – Nýtt flugfreyjufélag segist „tilbúið til umræðu“

Bogi Nils sakaður um lögbrot – Nýtt flugfreyjufélag segist „tilbúið til umræðu“
Eyjan
Fyrir 4 dögum

Telja frumvarp forsætisráðherra brjóta gegn stjórnarskránni og EES-samningnum

Telja frumvarp forsætisráðherra brjóta gegn stjórnarskránni og EES-samningnum
Eyjan
Fyrir 1 viku

Þingmenn upplifa líkamlegt ofbeldi, ógnandi áreitni og fjölskyldur þeirra fá hótanir

Þingmenn upplifa líkamlegt ofbeldi, ógnandi áreitni og fjölskyldur þeirra fá hótanir
Eyjan
Fyrir 1 viku

Ekki fleiri monthús í miðbæinn

Ekki fleiri monthús í miðbæinn