Mánudagur 30.mars 2020
Eyjan

Hagnaður Landsvirkjunar lækkar milli ára: Ásættanlegt miðað við aðstæður

Ritstjórn Eyjunnar
Föstudaginn 28. febrúar 2020 15:00

Hörður Arnarson forstjóri Landsvirkjunar.

Ekki missa af Helstu tíðindum dagsins í pósthólfið þitt

Lesa nánar

Hagnaður Landsvirkjunar á síðasta ári nam um 13,6 milljörðum króna, eða um 112,7 milljónum dollara. Árið áður var hagnaðurinn 121 milljón dollara. Tekjutapið má helst rekja til stöðvunar kerskála Rio Tinto í Straumsvík á síðasta ári, en það nam um tveimur milljörðum króna, eða 16 milljónum dollara.

Þá má einnig rekja tekjutap til óveðursins í desember, sem rýrði afkomu Landsnets, en Landsvirkjun á tæplega 65% hlut í Landsneti. Þá hefur lágt heimsmarkaðsverð á áli einnig áhrif á reksturinn sökum raforkusamnings við Alcoa, sem tengdur er álverði.

Þetta kemur fram í ársreikningi Landsvirkjunar fyrir 2019.

Helstu atriði ársreiknings

  • Hagnaður fyrir óinnleysta fjármagnsliði nam 173,3 milljónum USD (21,0 ma.kr.), en var 184,1 milljón USD á sama tímabili árið áður og lækkar því um 5,9% milli tímabila.1
  • Hagnaður tímabilsins var 112,7 milljónir USD (13,6 ma.kr.) en var 121,0 milljón USD á sama tímabili árið áður.
  • Rekstrartekjur námu 509,6 milljónum USD (61,7 ma.kr.) og lækka um 24,3 milljónir USD (4,6%) frá sama tímabili árið áður.
  • Nettó skuldir lækkuðu um 193,1 milljón USD (23,4 ma.kr.) frá áramótum og voru í árslok 1.691,5 milljónir USD (204,7 ma.kr.).
  • Handbært fé frá rekstri nam 295,8 milljónum USD (35,8 ma.kr.) sem er nánast óbreytt frá árinu áður.

Ásættanlegt

„Rekstur Landsvirkjunar litaðist af erfiðum ytri aðstæðum á árinu 2019, eins og árið áður. Afurðaverð stórra viðskiptavina var lágt og hafði það neikvæð áhrif á tekjur, enda er hluti samninga enn bundinn við þróun álverðs. Þá varð tekjutap upp á um 16 milljónir dollara af stöðvun kerskála þrjú hjá álveri Rio Tinto í Straumsvík.

Þótt óveðrið í desember hafi ekki valdið truflunum í rekstri aflstöðva Landsvirkjunar hafði það áhrif á rekstur Landsnets, sem er hluti af samstæðu Landsvirkjunar. Atburðarásin í desember staðfestir að brýn þörf er á því að styrkja flutningskerfi raforku á Íslandi.

Áfram gekk vel að lækka nettó skuldir, sem eru nú komnar niður í 1.691 milljón Bandaríkjadala og lækkuðu um 193 milljónir á árinu. Matsfyrirtækið Moody’s hækkaði lánshæfiseinkunn fyrirtækisins á árinu og S&P Global Ratings breytti horfum á sinni einkunn úr stöðugum í jákvæðar. Hagnaður fyrir óinnleysta fjármagnsliði, sem er sá mælikvarði sem Landsvirkjun horfir til við mat á grunnrekstri fyrirtækisins, var ásættanlegur miðað við aðstæður, en lækkaði um 5,9% milli ára,“

segir Hörður Arnarsson, forstjóri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Að eiga nóg af mat á farsóttartímum – þurfum brátt að pæla í því

Að eiga nóg af mat á farsóttartímum – þurfum brátt að pæla í því
Eyjan
Fyrir 3 dögum

Sonja Ýr fordæmir umsögn Viðskiptaráðs – „Kemur eins og köld gusa í andlit fólks sem leggur nótt við nýtan dag að bjarga mannslífum“

Sonja Ýr fordæmir umsögn Viðskiptaráðs – „Kemur eins og köld gusa í andlit fólks sem leggur nótt við nýtan dag að bjarga mannslífum“
Eyjan
Fyrir 3 dögum

„Aðferð hans er röng og getur leitt til stórtjóns“ sagði Frosti um Þórólf og spáði að 5000 yrðu smitaðir í dag – Spáin gekk ekki eftir

„Aðferð hans er röng og getur leitt til stórtjóns“ sagði Frosti um Þórólf og spáði að 5000 yrðu smitaðir í dag – Spáin gekk ekki eftir
Eyjan
Fyrir 3 dögum

Þegar byrjað að brjóta á starfsmönnum í lægra starfshlutfalli – „Óviðunandi að fyrirtæki reyni að nýta sér aðstæður“

Þegar byrjað að brjóta á starfsmönnum í lægra starfshlutfalli – „Óviðunandi að fyrirtæki reyni að nýta sér aðstæður“
Eyjan
Fyrir 3 dögum

Íbúðaskortur í kortunum innan fimm ára – Mikill samdráttur í byggingu íbúða milli ára – „Afgerandi skilaboð um stöðuna“

Íbúðaskortur í kortunum innan fimm ára – Mikill samdráttur í byggingu íbúða milli ára – „Afgerandi skilaboð um stöðuna“
Eyjan
Fyrir 4 dögum

Setur milljarð í Innviðauppbygging heilbrigðiskerfisins á þessu ári vegna Covid-19

Setur milljarð í Innviðauppbygging heilbrigðiskerfisins á þessu ári vegna Covid-19
Eyjan
Fyrir 4 dögum

Arndís Soffía skipuð sýslumaður í Vestmannaeyjum

Arndís Soffía skipuð sýslumaður í Vestmannaeyjum