fbpx
Þriðjudagur 19.janúar 2021
Eyjan

Jóhann er allt annað en sáttur með „einkaeign“ Sjálfstæðisflokksins – „Hvað er eiginlega í gangi í landinu?“

Máni Snær Þorláksson
Fimmtudaginn 20. febrúar 2020 19:08

Ekki missa af Helstu tíðindum dagsins í pósthólfið þitt

Lesa nánar

„Sjálfstæðisflokkurinn með Moggann sér við hlið vill ekki mæta örlögum Sigríðar Andersen fyrrverandi dómsmálaráðherra með reisn og út frá hagsmunum þjóðarinnar,“ segir Jóhann Þorvarðarson, fastur pistlahöfundur á Miðjunni, í pistli sínum sem kom út í dag.

Hann segir að Sigríður hafii sjálf skapað sér þessi örlög hjálparlaust „þegar hún sérvaldi 4 dómara inn í Landsrétt sem voru henni þóknanlegir þvert á niðurstöður hæfisnefndar. Þar á meðal er eiginkona Brynjars Níelssonar þingmanns Sjálfstæðisflokksins. Frekar en að reyna að byggja upp traust til dómstóla í landinu sem er hverfandi þá er ráðist gegn Mannréttindadómstól Evrópu (MDE) með ómálefnalegum og afar grófum hætti í ræðu og riti,“ segir Jóhann en hann segir þetta vera farið að líkjast ráðstjórnarríki hér á landi.

„Hvað er eiginlega í gangi í landinu?“

Jóhann segir þetta þó ekki enda þarna. „Því 100 ára afmæli Hæstaréttar var misnotað til að níða skóinn undan MDE. Einstaklega ósmekkleg misnotkun á æðsta dómstól landsins. Sjálfstæðisflokkurinn og málgagnið vita sem er að efri deild MDE mun staðfesta dóm undirréttar ef ekki herða á dómnum. Það er meira en flokkurinn þolir. Sjálfstæðisflokkurinn á nefnilega dómskerfið með húð og hári. Þetta er einkaeign flokksins!“

Hann gagnrýnir það harðlega að á meðan á þessari „ófrægingarherferð“ stendur þá heyrist ekkert frá formönnum hinna stjórnarflokkanna, þeim Katrínu Jak0bsdóttur og Sigurði Inga Jóhannssyni. „Forn málsháttur segir að þögn sé sama og samþykki. Sjálfstæðisflokkurinn er að ráðast að einni af grunnstoðum Íslenska lýðveldisins og forsætisráðherra er hljóður á meðan og samgönguráðherra er þögull sem gröfin. Hvað er eiginlega í gangi í landinu?“

„Koma svo!“

Þá segir Jóhann að lögmenn landsins hafi ekki þorað að tjá sig í málinu. „Vegna þess að þeir eiga sjálfir svo mikið undir jákvæðu viðhorfi dómara í þeirra garð vegna sinna skjólstæðinga. Dómarar hafa nefnilega sýnt það í verki að þeir dæma ekki endilega eftir lögunum þó þeim beri lagaskylda til. Dæmin sanna það!“ segir Jóhann. „Margir lögmenn sitja bara múlbundnir á sínum skrifstofum og naga sig í handarbökin. Ég ákalla lögmenn að sýna kjark og tjá sig um árásirnar á þessa stoð íslensks réttarríkis! Já, og hvar eru fræðimennirnir sem þjóðin þarf núna á að halda? Koma svo!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Hörður segir Samfylkinguna blekkja og rugla varðandi sölu Íslandsbanka

Hörður segir Samfylkinguna blekkja og rugla varðandi sölu Íslandsbanka
Eyjan
Fyrir 4 dögum

Ármann fer fögrum orðum um umdeildar áætlanir Kópavogs – Íbúar mótmæla áformunum

Ármann fer fögrum orðum um umdeildar áætlanir Kópavogs – Íbúar mótmæla áformunum
Eyjan
Fyrir 5 dögum

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“
Eyjan
Fyrir 5 dögum

Þórarinn í Spaðanum vill kaupa Domino‘s

Þórarinn í Spaðanum vill kaupa Domino‘s