Mánudagur 30.mars 2020
Eyjan

Ólína segir fyrrverandi þingmenn vera útskúfaða af vinnumarkaði

Ágúst Borgþór Sverrisson
Laugardaginn 15. febrúar 2020 10:43

Ekki missa af Helstu tíðindum dagsins í pósthólfið þitt

Lesa nánar

„Mér finnst ekki að þingmennskan eigi að vera ævistarf. Tvö til þrjú kjörtímabil eru alveg nóg. Vandinn er hins vegar sá að fólk þarf að geta átt endurkomu í samfélagið. Það er ekki þannig á Íslandi því svo virðist sem menn verði vanhelgir af að sitja á Alþingi Íslendinga. Fólk fær ekki vinnu. Erlendis eru fyrrverandi þingmenn eftirsóttur starfskraftur, bæði í einka- og opinbera geiranum, sem stjórnendur eða ráðgjafar. Það er eitthvað allt annað í gangi hér sem veldur því að þegar fólk kemst inn á þing þá hangir það eins og hundar á roði, enda hafa margir ekki að neinu að hverfa eftir þingmennsku.“

Þetta segir Ólína Þorvarðardóttir í helgarviðtali við Fréttablaðið. Ólína gerði fyrir skömmu samkomulag við ríkið um bótagreiðslur eftir að úrskurðað hafði verið að gengið hefði verið framhjá henni með óréttmætum hætti við ráðningu þjóðgarðsvarðar á Þingvöllum. Við hvetjum alla til að lesa þetta ágæta viðtal en staðmænumst við áhugaverð ummæli Ólínu um líf þingmannsins og ekki síst framhaldslífið á vinnumarkaði. Eins og að ofan getur segir Ólína að þingmenn eigi vart afturkvæmt á vinnumarkaðinn eftir þingsetu, sem sé afar óæskilegt, því ekki sé gott að gera þingmennsku að ævistarfi. Hún segir jafnframt um þingmannsstarfið:

„Þingmaður nýtur engrar friðhelgi. Hann er í vinnunni alla daga, öll kvöld, alla frídaga. Á mínum tíma voru launin ekki í neinu samræmi við álagið. Þingmaður sem sinnir sínu starfi vel er þræll í þágu þjóðar.“

Ólína bendir á að ef þingmenn ættu í vændum betri viðbrögð vinnumarkaðarins myndu þeir ekki vera eins þaulsetnir á þingi og raun ber vitni og minna yrði um hrossakaup varðandi stöðuveitingar fyrir fráfarandi þingmenn. Hún segir: „Flokkarnir að koma sínum mönnum á alla pósta og líta á það sem sitt hlutverk að stoppa annarra flokka fólk í því að nýta krafta sína og hæfileika. Þetta er skaðlegt fyrir samfélagsheildina.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Íbúðaskortur í kortunum innan fimm ára – Mikill samdráttur í byggingu íbúða milli ára – „Afgerandi skilaboð um stöðuna“

Íbúðaskortur í kortunum innan fimm ára – Mikill samdráttur í byggingu íbúða milli ára – „Afgerandi skilaboð um stöðuna“
Eyjan
Fyrir 3 dögum

Einnota umboðssvik?

Einnota umboðssvik?
Eyjan
Fyrir 3 dögum

ASÍ varar við verðhækkunum og okri vegna Covid-19 – Hvetja neytendur til að klaga

ASÍ varar við verðhækkunum og okri vegna Covid-19 – Hvetja neytendur til að klaga
Eyjan
Fyrir 3 dögum

Lýsa yfir vonbrigðum vegna afstöðu Seðlabankans – „Ekki nógu gott“

Lýsa yfir vonbrigðum vegna afstöðu Seðlabankans – „Ekki nógu gott“