fbpx
Miðvikudagur 20.janúar 2021
Eyjan

Mogginn vill að Rósa Björk segi af sér – „Rangfærslur eru svo margar og alvarlegar, að þær eru fals“

Erla Dóra Magnúsdóttir
Laugardaginn 28. nóvember 2020 10:02

Ekki missa af Helstu tíðindum dagsins í pósthólfið þitt

Lesa nánar

Morgunblaðið skýtur föstum skotum á Rósu Björk Brynjólfsdóttur, þingmann utan flokka, í Staksteinum blaðsins í dag.

Ástæðan er frumvarp sem Rósa Björk hefur lagt fram um breytingu á útlendingalögum þar sem hún leggur til að látið verði af aldursgreiningu hælisleitenda með tanngreiningu, en slíkt er gert þegar vafi leikur á aldri hælisleitenda sem segjast vera börn.

„Þetta væri óskynsamlegt, en það er þó ekkert hjá óheiðarlegum málatilbúnaði þingmannsins, sem laðað hefur frameinhverja harðorðustu umsögn um frumvarp, sem sést hefur, ritaða af þeim fjórum réttartannlæknum, sem annast hafa aldursgreiningar hælisleitenda hér á landi frá upphafi,“ segir í Staksteinum.

Morgunblaðið vísar þar í umsagnir réttartannlækna um frumvarp Rósu Bjarkar þar sem hún er sakaður um alvarlegar rangfærslur.  Í Staksteinum segir enn fremur:

„Réttartannlæknarnir afhjúpa hreinar og beinar rangfærslur í greinargerð Rósu Bjarkar, saka hana um að skálda tilmæli af vettvangi Evrópuráðsins gegn tanngreiningum þegar öll Evrópuríki nema tvö beiti þeim, að hún vísi til gagnrýni í þjóðmálaumræðu þegar hún sé aðallega að vitna til eigin orða, að hún leggi Tomáš Bocek flóttamannafulltrúa Evrópuráðsins orð í munn, sem hafi átt að hafa fallið á málþingi (sem Rósa hélt sjálf!), að hún vitni ranglega í ályktun Evrópuráðsþingsins (sem Rósa samdi sjálf!).“

Þykir Staksteinaritara rétt að Rósa Björk íhugi alvarlega að segja af sér þingmennsku, eða í það minnsta draga frumvarpið til baka.

„Rósa getur hvorki borið við fljótfærni né vanþekkingu. Rangfærslur eru svo margar og alvarlegar, að þær eru fals. Fals í frumvarpi. Ef ráðherra afvegaleiðir þingið er honum ekki sætt lengur. Er þingmanni sætt eftir að verða uppvís að hinu sama? Rósa ætti að hugsa vel en ekki lengi um afsögn. Í allra minnsta lagi að draga frumvarpið til baka og biðja þingheim afsökunar. Þessi vinnubrögð eru henni og þinginu til vansæmdar.“

Í umsögn fjögurra réttartannlækna um frumvarp Rósu er því haldið fram að frumvarpið muni ekki bæta rétt barna heldur gera fullorðnum kleift að villa á sér heimildir og sækja sér réttarvernd sem hér á landi er ætluð börnum.  Réttartannlæknarnir segja að fullyrðingar Rósu Bjarkar um málið séu meðal annars órökstuddar, villandi og beinlínis skáldaðar.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 2 dögum

Guðlaugur Þór varar við vinstri stjórn – „Þá munum við aldrei ná viðspyrnu“

Guðlaugur Þór varar við vinstri stjórn – „Þá munum við aldrei ná viðspyrnu“
Eyjan
Fyrir 4 dögum

Ingibjörg Sólrún til Sameinuðu þjóðanna – Mun starfa að kosningamálum í Írak

Ingibjörg Sólrún til Sameinuðu þjóðanna – Mun starfa að kosningamálum í Írak
Eyjan
Fyrir 5 dögum

Þorsteinn segir þetta vera mestu hættuna í kjölfar óeirðanna

Þorsteinn segir þetta vera mestu hættuna í kjölfar óeirðanna
Eyjan
Fyrir 6 dögum

Inga segir nóg komið

Inga segir nóg komið
Eyjan
Fyrir 1 viku

Sparnaður Svandísar sagður lífshættulegur – „Hvernig verðmetum við líf yfir 30 kvenna?“

Sparnaður Svandísar sagður lífshættulegur – „Hvernig verðmetum við líf yfir 30 kvenna?“
Eyjan
Fyrir 1 viku

Leiðarahöfundur Moggans kennir RUV um lokun fréttatíma Stöðvar 2

Leiðarahöfundur Moggans kennir RUV um lokun fréttatíma Stöðvar 2