fbpx
Mánudagur 25.janúar 2021
Eyjan

Björn segir að því sé enn ósvarað hvort mistök hafi verið gerð á Landakoti

Ágúst Borgþór Sverrisson
Þriðjudaginn 17. nóvember 2020 20:00

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Björn Leví, þingmaður Pírata, veltir því fyrir sér hvort mistök hafi verið gerð á Landakoti sem skýri með einhverjum hætti hópsýkinguna. Björn segir að þetta sé eina spurningin sem ekki tókst að fá svarað í annars í góðum Kastljósþætti Einars Þorsteinssonar sem ræddi við Má Kristjánsson, yfirlækni smitsjúkdómadeildar Landspítalans, en mörgum þótti Einar ganga of hart fram í viðtalinu. Björn er ekki á meðal þeirra. Hann segir í nýjum pistli á Facebook:

„Málefnið er alvarlegt og viðkvæmt á sama tíma og spurningarnar sem vakna hljóta að vera stórar hjá öllum. Hvernig gat þetta gerst? Var hægt að koma í veg fyrir þetta?
Það er erfitt að spyrja krefjandi spurninga í viðkvæmum málum en það er nákvæmlega það sem gerist í þessu viðtali. Afurðin eru góð og skýr svör að öllu nema einu leyti. Einni, mjög eðlilegri spurningu, var ekki svarað. Voru engin mistök gerð?
Ég skil það vel að það sé erfitt að svara þessari spurningu. Mögulega getur viðkomandi játað á sig eitthvað sem hefur afdrifaríkar afleiðingar. Eitthvað sem ætti að upplýsast í eðlilegu rannsóknarferli. Vandamálið er að sú skýrsla sem liggur fyrir kennir bara aðstæðum um, húsnæðinu. Þýðir það samt ekki í raun og veru að smitvarnir hafi ekki tekið nægilegt tillit til húsnæðissins?
Að þar hafi smitvarnir verið vanmetnar miðað við aðstæður?
Miðað við hvernig fór virðist það vera augljóst svar. Var það fyrirsjáanlegt? Það er hins vegar alls ekki augljóst né sjálfgefið.“
Björn víkur síðan að gagnrýninni sem Einar hefur fengið fyrir framgöngu sína í þættinum og er ekki sammála henni:
„Miðað við það sem ég hef séð á samfélagsmiðlum þá hefur Einar fengið gagnrýni fyrir að ganga hart að Má í þessu viðtali. Fyrir einhverju síðan var Einar hins vegar gagnrýndur fyrir að vera ekki nægilega aðgangsharður við forsætisráðherra. Í bæði skiptin fannst mér amk viðtölin vera mjög vel gerð. Upplýsingarnar sem komu úr þessum tveimur viðtölum eru mjög gagnlegar og ég efast ekki um að ástæðan fyrir því er hvernig spurningum var beint að viðmælendum. Það getur líka verið að fólk haldi mismikið með viðmælendum og krefjist aðgangsharðari aðferða gagnvart viðmælendum sem það „heldur ekki með“ … en það er svo sem bara mín ágiskun.
Allavega, gott viðtal sem skilaði góðum upplýsingum inn í umræðuna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Gunnar segir að Kolbeinn sé kominn á flótta – „Flóttinn byrjaður“

Gunnar segir að Kolbeinn sé kominn á flótta – „Flóttinn byrjaður“
Eyjan
Fyrir 5 dögum

Dökkt útlit í ferðaþjónustunni – Búa sig undir „Íslendingasumar“

Dökkt útlit í ferðaþjónustunni – Búa sig undir „Íslendingasumar“
Eyjan
Fyrir 6 dögum

Óttast að Samfylkingin fremji ódæðisverk – „Dæmd vanhæf og brottrekin með þeim rökum“

Óttast að Samfylkingin fremji ódæðisverk – „Dæmd vanhæf og brottrekin með þeim rökum“
Eyjan
Fyrir 6 dögum

Vinstri græn í Reykjavík velja milli prófkjörs og uppstillingar í kvöld

Vinstri græn í Reykjavík velja milli prófkjörs og uppstillingar í kvöld
Eyjan
Fyrir 1 viku

Guðlaugur Þór varar við vinstri stjórn – „Þá munum við aldrei ná viðspyrnu“

Guðlaugur Þór varar við vinstri stjórn – „Þá munum við aldrei ná viðspyrnu“
Eyjan
Fyrir 1 viku

Ingibjörg Sólrún til Sameinuðu þjóðanna – Mun starfa að kosningamálum í Írak

Ingibjörg Sólrún til Sameinuðu þjóðanna – Mun starfa að kosningamálum í Írak
Eyjan
Fyrir 1 viku

Þorsteinn segir þetta vera mestu hættuna í kjölfar óeirðanna

Þorsteinn segir þetta vera mestu hættuna í kjölfar óeirðanna
Eyjan
Fyrir 1 viku

Inga segir nóg komið

Inga segir nóg komið