fbpx
Laugardagur 23.janúar 2021
Eyjan

Fulltrúar minnihlutans auglýsa eftir týndum Sjálfstæðismanni í bæjarstjórn – „Það var aldrei launungarmál að ég væri sjómaður“

Heimir Hannesson
Mánudaginn 26. október 2020 14:58

mynd/samsett

Ekki missa af Helstu tíðindum dagsins í pósthólfið þitt

Lesa nánar

Starf sjómannsins Guðmundar Gísla Geirdals og seta hans í hinum ýmsu nefndum, ráðum og sjálfri bæjarstjórn Kópavogs er orðið að bitbeini í deilum Pírata og Sjálfstæðismanna í bænum og er það einna helst dræm mæting Guðmundar sem leggst illa í andstæðinga hans í pólitíkinni.

Málið teygir sig aftur um nokkur ár eða til þess tíma er útgerð Guðmundar varð gjaldþrota árið 2018. Ári áður hafði Guðmundur gefið út 50 milljóna króna veðskuldabréf með veði í fasteign Guðmundar og eiginkonu hans. Þrettán dögum fyrir gjaldþrot var veðskuldabréfinu aflýst af eigninni. Skiptastjóri þrotabús útgerðarinnar taldi þetta gjafagjörning og að kröfu hans var gjörningnum rift. Guðmundi var þannig með dómi í nóvember í fyrra gert að greiða þrotabúinu til baka þessar 50 milljónir. Guðmundur sagði að dómurinn ætti ekki að hafa áhrif á störf hans í bæjarstjórn og að hann hygðist standa við allar sínar skuldbindingar og greiða milljónirnar fimmtíu til baka.

Á þessum tíma var Guðmundur formaður velferðarnefndar bæjarins. Sagði Theódóra Þorsteinsdóttir, oddviti Bjartrar Framtíðar í bæjarstjórn Kópavogs við RUV: „Mér finnst þessi dómur bara alvarlegur og ég undrast ummæli bæjarfulltrúans um að þetta hafi ekki áhrif á störf hans. Hann er yfir öllum velferðarmálum í Kópavogsbæ sem formaður velferðarráðs, formaður notendaráðs fatlaðra, er í menntaráði og fleiri nefndum.“

Tekist á um formennsku í velferðarnefnd

Fleiri gerðu athugasemdir við setu Guðmundar í velferðarnefnd. Þannig sagði Sigurbjörg Erla Egilsdóttir, bæjarfulltrúi Pírata í bænum, í samtali við DV að hún hafi lagt það til í kjölfar dómsins að formennska hans yrði staðfest í atkvæðagreiðslu í bæjarstjórninni. Svo fór þá að Sjálfstæðisflokkurinn skipti Guðmundi út sem formanni í þeirri atkvæðagreiðslu.

Nú veltir Sigurbjörg því fyrir sér hvort ekki sé kominn tími á að skoða hvort hans í bæjarstjórn. „Þetta snýst bara um að fara vel með fjármuni bæjarins. Það fylgir því mikill kostnaður fyrir skattgreiðendur í Kópavogi að borga bæði bæjarfulltrúa sem er fjarverandi og varamanni hans laun. Hann ætti raunverulega með réttu að biðjast lausnar frá störfum sínum í bæjarstjórn ef hann telur sig ekki geta sinnt skyldum sínum þar,” sagði Sigurbjörg við DV. Hún benti jafnframt á að bæjarfulltrúar séu á föstum launum og fái greitt óháð mætingu. Þessum kjörum fylgi hins vegar lagaleg skylda um að mæta og vísar til laga þess efnis.

Varamaður í bæjarstjórn fær greidda 119.221 krónu fyrir hvern fund sem hann situr. Samkvæmt heimildum DV er það umtalað innan bæjarstjórnar að ástæða dræmrar mætingar Guðmundar sé starf hans sem sjómaður. Eins og einn viðmælandi DV sagði: Spurningunni „Hvar er Guðmundur?“ er iðulega svarað með: „Ætli hann sé ekki á sjónum?“

DV skoðaði löndunarupplýsingar úr báti Gísla og svarið við ofangreindi spurningu er í mörgum tilfellum: Jú, hann var á sjó.

Fundargerðir benda til þess að af síðustu sjö bæjarstjórnarfundum mætti Guðmundur aðeins á einn. Löndunartölur Fiskistofu sýna jafnframt að hina dagana sex var Gísli á sjó. Þessa daga landaði Gísli samtals rúmlega fimm tonnum af fiski, aðallega þorski, á Arnarstapa, Þórshöfn og Bakkafirði. Af tölum fiskistofu er ekki annað að sjá en að Guðmundur sé hinn þokkalegasti sjómaður.

Sjómennskan ekkert launungarmál

Þegar DV náði tali af Guðmundi var hann að sigla báti sínum frá Þórshöfn norður fyrir land á leið á Siglufjörð. Þar ætlaði hann að ná að vera „viðstaddur“ bæjarstjórnarfund í Kópavogi sem nú fara fram með fjarfundabúnaði.

Guðmundur gaf lítið fyrir gagnrýni pólitískra andstæðinga sinna. „Það var aldrei launungarmál þegar ég bauð mig fram í bæjarstjórn í Kópavogi, að ég væri sjómaður og ynni við það,“ sagði Guðmundur. „Ég hef unnið við þetta síðan ég var krakki og hef verið í þessu í um 40 ár. Það vita allir sem mig þekkja.“

Guðmundur segir það ekkert nýtt að sjómenn séu í burtu. Það eigi sérstaklega við á sumrin þegar viðrar vel til veiði. „Eru þá þessir aðilar ekki hreinlega að segja að þetta starf sé bara ekki fyrir sjómenn?“ sagði Guðmundur. Guðmundur bendir á að starfið eins og það sé skipulagt henti auðvitað best skrifstofufólki í bænum: „Þetta eru auðvitað mikið skólastjórar og ríkisstarfsmenn og svona, og mögulega er það sem þau eru að segja að þetta starf henti bara ekki fólki í allskonar vinnu,“ sagði hann og benti á að fleiri starfsstéttir væru ekki alltaf á staðnum. „Á þá að útilokað þær stéttir með öllu?“

Guðmundur sagði jafnframt þetta sumar hafa verið einstaklega gjöfult og veðurfar gott. „Síðan var það þannig að sumarið teygði sig fram á haustið. Það er búið að vera góð tíð.“ Þá sagði hann Sjálfstæðisflokkinn vel mannaðan varabæjarfulltrúum svo þetta eigi ekki að koma að neinni sök. Aðspurður út í kostnaðinn við að kalla inn varamenn fyrir sig segir hann að hann fái ekki greitt fyrir þá nefndarfundi sem hann mæti ekki á. „Ég er ekkert að svíkjast um og vera á tvöföldum launum, ég hef ekki leyfi til að afsala mér bæjarfulltrúalaununum. Ég er bæjarfulltrúi þrátt fyrir að ég mæti ekki á alla bæjarstjórnarfundi, enda er starfið meira en að mæta á fundi hálfsmánaðarlega.“

Þá sagði Guðmundur að Covid hefði spilað inn í þetta sumar. „Ég er að gera út fyrir austan sem er og hefur verið Covid laust svæði, og það er verið að biðja fólk um að vera ekki að ferðast á milli landshluta að ástæðulausu, svo ég hef bara reynt að vera hér. Ég vil ekki hafa það á samviskunni að vera að bera veiruna hingað austur í fólkið hér,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Jón Baldvin segir ásakendur um kynferðisofbeldi heltekna af hatri og hefndarhug – Ásakanirnar rýri trúverðugleika alvöru kynferðisofbeldis

Jón Baldvin segir ásakendur um kynferðisofbeldi heltekna af hatri og hefndarhug – Ásakanirnar rýri trúverðugleika alvöru kynferðisofbeldis
Eyjan
Fyrir 4 dögum

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“
Eyjan
Fyrir 5 dögum

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara
Eyjan
Fyrir 5 dögum

Samgöngumál Íslands í höndum dýralækna

Samgöngumál Íslands í höndum dýralækna
Eyjan
Fyrir 1 viku

Hörður segir Samfylkinguna blekkja og rugla varðandi sölu Íslandsbanka

Hörður segir Samfylkinguna blekkja og rugla varðandi sölu Íslandsbanka
Eyjan
Fyrir 1 viku

Ármann fer fögrum orðum um umdeildar áætlanir Kópavogs – Íbúar mótmæla áformunum

Ármann fer fögrum orðum um umdeildar áætlanir Kópavogs – Íbúar mótmæla áformunum
Eyjan
Fyrir 1 viku

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“

Gunnar Bragi vill fá að sjá bóluefnasamningana – „Það voru mistök að treysta Evrópusambandinu“
Eyjan
Fyrir 1 viku

Þórarinn í Spaðanum vill kaupa Domino‘s

Þórarinn í Spaðanum vill kaupa Domino‘s