Líkt og greint hefur verið frá þá kynnti Katrín Jakobsdóttir, forsætisráðherra, hertari aðgerðir á landamærum á blaðamannafundi. Úr ríkisstjórn voru einnig þær Svandís Svavarsdóttir heilbrigðisráðherra, Þórdís Kolbrún Reykfjörð Gylfadóttir ferðamála- og nýsköpunarráðherra og Áslaug Arna Sigurbjörnsdóttir, dómsmálaráðherra.

Áslaug Arna tók fram að landið væri ekki komið á neyðarstig almannavarna þrátt fyrir þessar hertari aðgerðir. Þá sagðist hún vonast til þess að aðstæður til að létta á takmörkunum innanlands myndu myndast.

„Tekið skal fram einnig að við erum ekki komin á neyðarstig almannavarna þrátt fyrir þessa ákvörðun vonandi skapast frekar skilyrði til að létta aðeins á takmörkum innanlands,“

Þá sagði hún að það sem skipti mestu máli væri að halda í grunngildi um handþvott, fjarlægðartakmrarkanir, og að halda sig heima finni maður fyrir einkennum. Hún sagði að báráttan við veiruna einskorðist ekki við landamærin heldur fyrst og fremst við hegðun landsmanna og því verði allir að leggja sitt að mörkum.

„Að sjálfsögðu verðum við að halda áfram að gæta að öllum grunngildum um handþvott og hæfilega fjarlægð frá af öðrum, og halda okkur heima ef við fáum kvef eða önnur einkenni. Það er það sem skiptir mestu máli.

Baráttan við veiruna einskorðast alls ekki við landamærin, heldureinskorðast hún aðallega við hegðun okkar. Hún er hér innanlands nú þegar. Við verðum öll að leggja okkar af mörkum áfram þegar kemur að baráttunni við útbreiðslu veirunnar.“