fbpx
Þriðjudagur 11.ágúst 2020
Eyjan

Mannréttindadómstóllinn tekur mál Magnúsar Guðmundssonar til efnislegrar umfjöllunar

Kristján Kristjánsson
Þriðjudaginn 30. júní 2020 08:00

Mannréttindadómstóllinn í Strassbourg

Ekki missa af Helstu tíðindum dagsins í pósthólfið þitt

Lesa nánar

Mannréttindadómstóll Evrópu (MDE) hefur ákveðið að taka mál Magnúsar Guðmundssonar, fyrrverandi  bankastjóra Kaupþings í Lúxemborg, til efnislegrar umfjöllunar. Málið snýr að meintu vanhæfi tveggja dómara við Hæstarétt vegna starfa sona þeirra.

Fréttablaðið skýrir frá þessu. Magnús var sakfelldur í Hæstarétti 2016 fyrir aðild að markaðsmisnotkun og umboðssvik í svonefndu Markaðsmisnotkunarmáli Kaupþings. Hæstiréttur sneri þar dómi héraðsdóms við að hluta en héraðsdómur hafði vísað tveimur ákæruliðum frá og sýknað hann af öðrum ákærum.

Kæra Magnúsar til MDE byggir á að Ingveldur Einarsdóttir og Þorgeir Örlygsson, dómarar við Hæstarétt, hafi verið vanhæf til að dæma í málinu vegna starfa sona þeirra. Sonur Ingveldar var aðstoðarsaksóknari hjá Sérstökum saksóknara og sonur Þorgeirs var yfirlögfræðingur hjá slitastjórn Kaupþings.

MDE komst að þeirri niðurstöðu í Al Thanimálinu að hæfi Árna Kolbeinssonar, dómara, hafi ekki verið hafið yfir allan vafa þar sem sonur hans starfaði fyrir bankann fyrir og eftir gjaldþrot hans.

Í kæru Magnúsar er einnig vísað til hlutafjáreignar dómara í föllnu bönkunum og vísað til Viðars Más Matthíassonar, Ingveldar Einarsdóttur, Ólafs Barkar Þorvaldssonar og Markúsar Sigurbjörnssonar í því sambandi. Fréttablaðið segir ekki vitað til að aðrir en Ingveldur hafi átt hlutabréf í Kaupþingi fyrir hrun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 5 dögum

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“
Eyjan
Fyrir 5 dögum

Óli Björn mun ekki greiða atkvæði með skattahækkunum

Óli Björn mun ekki greiða atkvæði með skattahækkunum
Eyjan
Fyrir 1 viku

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 1 viku

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn