Benedikt Jóhannesson, stofnandi Viðreisnar og fyrrverandi fjármálaráðherra, greinir frá því á Facebooksíðu sinni að hann hafi fengið póst sem innihélt hótanir um myndbirtingu af honum á yngri árum, ef hann greiddi fjárkúgurum sínum ekki eina milljón krónur:
„Ég fékk póst áðan:
– Annað hvort borgar þú eina milljón í krumpuðum tíuþúsundköllum … eða við birtum þessa mynd af þér fyrir næstu kosningar. –
Ég hefði kannski sagt já, ef mér hefði verið boðið að borga með korti, en þetta læt ég ekki bjóða mér.
Þannig að ég spara mér þessa milljón. Það er hvort sem er ekkert gaman í pólitík,“
segir Benedikt á Facebook, en þess skal getið að hér er vitaskuld um gott grín að ræða hjá Benedikt.
VARÚÐ!!! Eyjan varar viðkvæma við umræddri mynd hér að neðan, sem sýnir Benedikt á sínum yngri, hárprúðari árum:
