fbpx
Sunnudagur 15.september 2019  |
Eyjan

Hlutur Actavis í hinum skelfilega ópíóðafaraldri

Egill Helgason
Fimmtudaginn 25. júlí 2019 11:31

Ekki missa af Helstu tíðindum dagsins í pósthólfið þitt

Lesa nánar

Actavis, félag sem var í íslenskri eigu, er eitt þeirra fyrirtækja sem spjótin beinast nú að vegna faraldursins í Bandaríkjunum. Bandarískir fjölmiðlar eins og New York Times og Washngton Post hafa fjallað um þetta að undanförnu.

Málaferli eru að fara í gang gegn lyfjafyrirtækjum og söluaðilum víða um Bandaríkin, Talið er að dómsmálin geti á endanum orðið um tvö þúsund talsins. Hið fyrsta er í Ohio í haust – hugsanlega verður niðurstaðan á endanum sú að lyfjafyrirtækin þurfa að borga gríðarlegar bætur til borga og bæja í Bandaríkjunum vegna hins hryllilega ópíóðafaraldurs sem hefur leikið mörg samfélög vestra grátt.

Flóð lyfja eins og Oxycontins var yfirgengilegt á tímabili, þau flæddu í gegnum verslanakeðjur eins og CSV, Walgreens og WalMart. Gögn sýna að 2006 og 2112 sendu lyfjafyrirtæki á markað í Bandaríkjunum 76 milljarða taflna af oxycodone og hydrocodone – með þeim afleiðingum að fíkn í þessi efni breiddist út eins og faraldur, um 100 þúsund manns lágu í valnum á þessu tímabili.

Hvað varðar framleiðsluna þá hafa sjónir manna aðallega beinst að Purdue Pharma sem hóf framleiðslu þessara sterku verkjalyfja sem hafa reynst svo ávanabindandi.En nú eru menn líka að skoða fyrirtæki sem hafa framleitt samheitalyf. Þar á meðal er írska fyrirtækið Mallinckrodt og svo Actavis.

Í greininni í New York Times segir að sum fyrirtæki hafi ekki viljað breyta framferði sínu, jafnvel þótt þau hafi verið vöruð við afleiðingunum sem framleiðslan hefði. 2012 hafi fulltrúar fíkniefnaeftirlitsins, D.E.A, hitt yfirmenn hjá Actavis vegna framleiðslu samheitalyfja sem voru meðal þeirra hættulegustu á markaðnum. D.E.A hafi hvatt Actavis til að skoða sjálft hvaða afleiðingar misnotkun lyfjanna hefði á bandarískt samfélag.

Í málsgögnum segir að starfsmaður D.E.A. hafi sagt fulltrúum Actavis að „fara í apótek í Suður-Flórida þar sem varan væri seld til að sjá hinar löngu biðraðir, bílnúmer sem væru komin frá öðrum ríkjum, viðskiptavini í misjöfnu ástandi, öryggisverði á bílastæðum og skilti þar sem segði að einungis væri tekið við reiðufé“.

En ekkert breyttist, samkvæmt New York Times. Talsmaður Actavis sagði seinna að tónninn í samræðunum hefði ekki verið „nógu uppbyggilegur“ og að komið hefði verið fram við fulltrúa fyrirtækisins eins og þeir væru „dópsalar“.

En það er víst það sem heila málið snýst um. Stórfyrirtæki sem gerast dópsalar og hagnast á hræðilegum faraldri fíknar. Peningarnir streymdu inn um leið og eitrið flæddi út.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Brynjar: „Það vita ekki allir að til er enn merkilegri staða innan flokksins“

Brynjar: „Það vita ekki allir að til er enn merkilegri staða innan flokksins“
Eyjan
Fyrir 2 dögum

Mikil andstaða við uppbyggingu á hernaðaraðstöðu Bandaríkjahers á Keflavíkurflugvelli

Mikil andstaða við uppbyggingu á hernaðaraðstöðu Bandaríkjahers á Keflavíkurflugvelli
Eyjan
Fyrir 2 dögum

Sigmundur svarar gagnrýninni: „Heimurinn er ekki að farast“

Sigmundur svarar gagnrýninni: „Heimurinn er ekki að farast“
Eyjan
Fyrir 2 dögum

Framkvæmdastjóri WMO segir viðtal við sig rangtúlkað – „Þetta eru tröllauknar áskoranir“

Framkvæmdastjóri WMO segir viðtal við sig rangtúlkað – „Þetta eru tröllauknar áskoranir“
Eyjan
Fyrir 3 dögum

Dásamlegt gestaboð á Nýja-Íslandi – örlítil minning um Einar Vigfússon

Dásamlegt gestaboð á Nýja-Íslandi – örlítil minning um Einar Vigfússon
Eyjan
Fyrir 3 dögum

Dagur hjólar í SI: „Væri kostur ef gögnin væru birt jafn ítarlega og gert var fyrir nokkrum árum“

Dagur hjólar í SI: „Væri kostur ef gögnin væru birt jafn ítarlega og gert var fyrir nokkrum árum“