Föstudagur 17.janúar 2020
Eyjan

Corbyn virðist ætla að tapa Grimsby – vígi Verkamannaflokksins falla

Egill Helgason
Fimmtudaginn 21. nóvember 2019 21:36

Ekki missa af Helstu tíðindum dagsins í pósthólfið þitt

Lesa nánar

Kosningabarátta Jeremys Corbyn í Bretlandi virðist vera gjörsamlega vonlaus. Nýjar skoðanakannanir sýna að Íhaldsflokkurinn hefur frá 11 og upp í 16 prósentustiga forskot á Verkamannaflokkinn. Það virðist óhjákvæmilegt að Íhaldsflokkurinn vinni stóran sigur í kosningunum – og getur þá væntanlega framkvæmt Brexit eftir sínu höfði. Stór loforð Corbyns um launahækkanir, byggingu félagslegs húsnæðis, ókeypis breiðband fyrir alla, breytingar á eftirlaunaaldri, þjóðnýtingu og hærri skatta á auðugt fólk, virðast ekkert hrífa. Það er jafnvel talað um dýrustu kosningaloforð sem hafa nokkurn tíma sést.

Kjördæmi þar sem staða Verkamannaflokksins hefur verið sterk virðast í uppnámi. Íhaldsflokkurinn hefur reyndar breytt um stefnu í þessum kosningum, aðhaldstefnan sem var ær og kýr flokksins á tíma Davids Camerons er á bak og burt – að minnsta kosti í orði kveðnu – Íhaldið varar við skattahækkunum en segist samt ætla að verja fé í umbætur og endurbyggingu í Mið- og Norður-Englandi, á svæðum sem hafa lengi verð útundan.

Þar hefur Verkamannaflokkurinn líka haft undirtökin í stjórnmálunum. En fall hans er svo stórt að meira að segja kjördæmi eins og Grimsby – hinn gamli vinabær Íslendinga – virðist ætla að falla Íhaldsflokknum í skaut. Það yrðu allmikil tíðindi. Verkamannaflokkurinn hefur haft meirihluta í Grimsby í 74 ár. Þaðan kom frægur leiðtogi flokksins, Anthony Crosland, sem var utanríksráðherra á tíma síðasta þorskastríðs Íslendinga og Breta. En staða Verkamannaflokksins var slík að eitt sinn var sagt að hann gæti boðið fram alkóhólista og kynferðisbrjálæðing og unnið samt.

En það hefur breyst. The Economist greinir frá skoðanakönnun þar sem Íhaldsflokkurinn hefur 13 prósentustiga forskot á Verkamannaflokkinn í Grimsby. Í blaðinu má líka lesa að áhersla Boris Johnson á að vinna fylgi í bæjum í miðlöndunum og norðrinu sé að skila árangri. Það boðar mikil umskipti í breskum stjórnmálum. Í Grimsby greiddu 70 prósent kjósenda atkvæði með Brexit. Nú eru þrjár vikur til kosninga. Economist segir að Verkamannaflokkurinn þurfi að reka mjög vel heppnaða kosningabaráttu ef hann á að halda þessu gamla vígi sínu.

Íbúar Grimsby eiga reyndar ekki sjö dagana sæla. Bærinn er í mikilli niðurníðslu og fyrir fáum árum var gerð könnun þar sem niðurstaðan var að Grimsby væri versti staðurinn til að búa á í gjörvöllu Bretlandi. Það er nátturlega merkilegt að íbúarnir vilji frekar kjósa yfirstéttar- og Etonpiltinn Johnson en róttæklinginn Corbyn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Samið til tveggja ára fyrir rúma 32 milljarða

Samið til tveggja ára fyrir rúma 32 milljarða
Eyjan
Í gær

Elliði skýtur á Gísla Martein – Gísli hafði snjóflóðavarnir að háði

Elliði skýtur á Gísla Martein – Gísli hafði snjóflóðavarnir að háði
Eyjan
Í gær

Krefjast stjórnsýsluúttektar og að Svandís láti af „úreltri ráðstjórnarhugsun“

Krefjast stjórnsýsluúttektar og að Svandís láti af „úreltri ráðstjórnarhugsun“
Eyjan
Í gær

Svandís svarar fyrir sig – „Rúmir 5,6 milljarðar króna í aukin framlög“

Svandís svarar fyrir sig – „Rúmir 5,6 milljarðar króna í aukin framlög“
Eyjan
Fyrir 2 dögum

Bæta þarf geðrækt í skólum – Sjáðu tillögur landlæknis

Bæta þarf geðrækt í skólum – Sjáðu tillögur landlæknis
Eyjan
Fyrir 2 dögum

Jóhannes hjólar í Björn Leví – „Þetta er undarleg hugsun, nánast andlýðræðisleg“

Jóhannes hjólar í Björn Leví – „Þetta er undarleg hugsun, nánast andlýðræðisleg“