„Í gær héldu Hagsmunasamtök heimilanna upp á 10 ára afmæli sitt en þau urðu til í kjölfar hrunsins og var tilgangurinn með stofnun samtakanna að gæta hagsmuna heimilanna, sem augljóslega voru skilin eftir þegar kom að endurreisnarstarfi eftir hrun. Sá veruleiki vekur upp áleitnar spurningar um starf stjórnmálaflokkanna hér. Hvað olli því eftir hrun, að enginn þeirra, hvorki til vinstri né hægri sá ástæðu til að gerast sérstaklega málsvari heimilanna í landinu?“
skrifar Styrmir Gunnarsson, fyrrverandi ritstjóri Morgunblaðsins. Hann segir engar skiljanlegar skýringar vera á þessu, en það bendi til alvarlegs veikleika í starfi flokkana:
„Voru allar aðrar afleiðingar hrunsins alvarlegri en þær sem sneru að heimilunum?“
spyr Styrmir og segir um Hagsmunasamtök heimilanna:
„Það gerist æ algengara að til verða samtök, sem þessi vegna þess að stjórnmálaflokkarnir sinna ekki málum, sem upp koma og fólkið í landinu telur brýn og má nefna Orkuna okkar í því samhengi. Þetta bendir til alvarlegrar stöðnunar í starfi stjórnmálaflokka.“
Styrmir var meðal framsögumanna á 10 ára afmæli samtakanna í gær en þar opnaði Ásmundur Einar DAðason, félags- og barnamálaráðherra, nýtt vefsvæði hvar finna má upplýsingar um neytendamál á Íslandi, neytendarétt á fjármálamarkaði og baráttumál samtakanna.
Er vefslóðin Neytendatorg.is
