Nú les maður að væntanlegar séu á markað fyrstu flögurnar sem búnar eru til úr íslenskum kartöflum. Þær nefnast Ljótu kartöflurnar og eru framleiddar á Hornafirði. Líta ljómandi vel út.
En hvað þá með Þykkvabæjar kartöfluflögurnar sem voru auglýstar svo mikið hér um árið. Sem fóru ekki framhjá neinum landsmanni. Voru þær þá bara blekking? Búnar til úr útlendum kartöflum? Alltaf hélt maður að þetta væri ramm-íslensk framleiðsla?
Og auglýsingin var nánast ómótstæðileg. Hinn ástsæli leikari Rúrik Haraldsson umkringdur álfum sem bjuggu til flögur í ýmsum stærðum og myndum, væntanlega í Þykkvabæ, og svo var sungið: „Já, Þykkvabæjarálfarnir! – Trúir þú á álfasögur?“
