fbpx
Þriðjudagur 16.september 2025
Eyjan

Birgitta: „Ég hata hvorki, né er reið út í þá sem hafa mig að háði og spotti“

Ritstjórn Eyjunnar
Miðvikudaginn 31. júlí 2019 10:23

Birgitta Jónsdóttir og Helgi Hrafn. Samsett mynd-DV

Ekki missa af Helstu tíðindum dagsins í pósthólfið þitt

Lesa nánar

„Ég hata hvorki, né er reið út í þá sem hafa mig að háði og spotti, sem baknaga án þess mig að þekkja og vega að æru minni,“ segir Birgitta Jónsdóttir, fyrrverandi þingmaður Pírata, í færslu á Facebook í dag.

Hún virðist ekki láta mótbyrinn á sig fá, en endurkoma Birgittu í Pírata heppnaðist ekki sem skyldi á dögunum, þar sem henni var hafnað með 55 atkvæðum af 68, er hún gerði tilraun til þess að komast í trúnaðarráð Pírata. Mikil ólga hefur verið í Pírötum síðan, þar sem þrumuræða Helga Hrafns Gunnarssonar um Birgittu á fundinum fór fyrir brjóstið á mörgum, ekki síst Birgittu sjálfri sem yfirgaf fundinn með tárin í augunum.

Í kjölfarið var efnt til undirskriftarsöfnunar þar sem framkoman í hennar garð var fordæmd, en sjálf sagði Birgitta að hún hefði verið svívirt og taldi um mannorðsmorð að ræða. Helgi sagðist þó ekki sjá eftir einu einasta orði.

Finnur leið til að fyrirgefa

Birgitta segist þó tilbúin að fyrirgefa og reyna að skilja hvað hún geti gert betur:

„Í mér blundar aldrei hatur. Ekki gagnvart þeim sem þola mig ekki eða hafa gert eitthvað sem sært hefur eða meitt. Það tekur stundum svolítinn tíma að fyrirgefa en hefur nánast alltaf tekist. Er þó enn fúl út í karl sem beitti ættingja sem ég elska ógeðfellt andlegt ofbeldi. En ég vinn í því að finna leið til að fyrirgefa, og svo bara reyna að skilja hvað ég get gert betur, hvað má læra af öllum þessum lífsins raunum.“

Eymd er valkostur

Birgitta nefnir að það sé ávallt á valdi hvers og eins hvernig hann bregst við aðstæðum og segist hún mikið hafa lært af móður sinni til að takast á við Gróu á Leiti, en móðir Birgittu var hin ástsæla söngkona Bergþóra Árnadóttir:

„Ég hata hvorki, né er reið út í þá sem hafa mig að háði og spotti, sem baknaga án þess mig að þekkja og vega að æru minni. Ég ólst upp við mjög rætnar kjaftasögur um hana mömmu sem oft spruttu út af óöryggi og stundum öfund. Ég tók þessar ógeðslegu sögur inn á mig þegar ég var krakki, en hin stóíska og oft á tíðum búddíska rósemd sem mamma hafði gagnvart Gróu á Leiti hafði djúpstæð áhrif á mig og ég sé enn og aftur hve mikið hún mamma kenndi mér um vegina sem hægt er að fara. Eymd er með sanni valkostur. Það er alltaf í okkar eigin valdi hvernig við bregðumst við ÖLLU.“

Sjá einnigPíratar höfnuðu Birgittu – Yfirgaf fundinn grátandi

Sjá einnigÓtrúleg upptaka af átakafundi Pírata – Harðar ásakanir á Birgittu – „Hún grefur undan samherjum sínum“

Sjá einnig: Þingflokkur Pírata beitti sér gegn Birgittu sem segist „svívirt“ – Píratar skiptast í tvær ólgandi fylkingar

Sjá einnig: Helgi Hrafn:„Ég sé ekki eftir einu einasta orði“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Jón vill breyta þessu við hátíðleg tækifæri – „Þurfum við ekki að taka höndum saman“

Jón vill breyta þessu við hátíðleg tækifæri – „Þurfum við ekki að taka höndum saman“
EyjanFastir pennar
Fyrir 5 dögum

Þorsteinn Pálsson skrifar: Ólík viðbrögð við hatri

Þorsteinn Pálsson skrifar: Ólík viðbrögð við hatri
Eyjan
Fyrir 6 dögum

Vilhjálmur bálreiður út í ríkisstjórnina

Vilhjálmur bálreiður út í ríkisstjórnina
EyjanFastir pennar
Fyrir 6 dögum

Thomas Möller skrifar: Stöðugleiki skiptir mestu máli

Thomas Möller skrifar: Stöðugleiki skiptir mestu máli
Eyjan
Fyrir 1 viku

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp

Orðið á götunni: Forpokaðir fordómagrísir haldnir forréttindablindu ráðast gegn minnihlutahóp
EyjanFastir pennar
Fyrir 1 viku

Sigmundur Ernir skrifar: Okkur hefur mistekist hrapallega á húsnæðismarkaði

Sigmundur Ernir skrifar: Okkur hefur mistekist hrapallega á húsnæðismarkaði
EyjanFastir pennar
Fyrir 1 viku

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla

Svarthöfði skrifar: Blásið til sóknar fyrir alla – ekki bara Range Rover, Benz og Porsche liðið heldur alla
EyjanFastir pennar
Fyrir 1 viku

Nína Richter skrifar: Popúlismi er tæki og við erum fólk

Nína Richter skrifar: Popúlismi er tæki og við erum fólk