Líkt og Eyjan greindi frá í gær þá hefur Reykjavíkurborg greitt rúmar 590 milljónir króna fyrir leigu á sex útisalernum frá árinu 2001. Áætlaður kostnaður við að framlengja leigusamninginn frá 1. júlí næstkomandi til 31. desember er 18 milljónir króna.
Sjá nánar: Kostnaður Reykjavíkurborgar vegna sex klósetta tæpar 600 milljónir
Í svari frá Umhverfis- og skipulagsráði vegna fyrirspurnar Eyjunnar um tekjur af útisalernunum, kemur fram að engin gjaldtaka hefur verið notkunina á salernunum á tímabilinu, utan áranna 2006-2008.
Heildartekjur Reykjavíkurborgar vegna útisalernanna á því tímabili námu alls 1.138.406 krónum, en gjaldið var þá 10 krónur að þávirði fyrir hvert skipti.(19 krónur að núvirði) samkvæmt samningi AFA og Reykjavíkurborgar frá 2004.
Skiptust tekjurnar svona milli ára:
Árið 2006 má því ætla að klósettin hafi verið notuð rúmlega 27 þúsund sinnum, tæplega 11 þúsund sinnum árið 2007 og tæplega 22 þúsund sinnum árið 2008.
Samkvæmt svari Umhverfis- og skipulagsráðs hefur engin ákvörðun verið tekin um það hvort fjölga, eða fækki eigi útisalernum miðborgarinnar í nánustu framtíð.
