Sigurður Páll Jónsson, þingmaður Miðflokksins í Norðvesturkjördæmi, segir það alrangt að hann sé á leiðinni í Sjálfstæðisflokkinn. Fréttablaðið hefur eftir heimildarmönnum sínum að búist sé við því að Sigurður Páll og Birgir Þórarinsson, annar þingmaður Miðflokksins, séu á leið í Sjálfstæðisflokkinn.

Sjá einnig: Segja þingmenn Miðflokksins á leið í Sjálfstæðisflokkinn – Titringur í stjórnarliðinu vegna Klaustursmálsins

Í samtali við Viljann, fjölmiðil Björns Inga Hrafnssonar, segir Sigurður Páll að þetta sé „fake news“. Hann segir að Fréttablaðið hafi ekki talað við sig áður en fréttin var birt á forsíðu blaðsins og þetta sé einfaldlega falsfrétt. „Nei, það er ekkert til í því,“ segir Sigurður Páll.