Í viðskiptablaði Morgunblaðsins í dag birtist auglýsing frá WOW air á blaðsíðu 16. Verður auglýsingin að teljast kaldranaleg í ljósi frétta dagsins, en í morgun sagði fyrirtækið upp 111 fastráðnum starfsmönnum sínum.
Í auglýsingunni auglýsir WOW air WOW Premium með slagorðinu „Settu starfsfólkið í besta sætið.“
Spurning er hvort að WOW air hafi gert það með uppsögnunum í morgun. Gárungar hafa þó bent á að annað sætið í auglýsingunni er autt og táknar það þá starfsmenn sem fengu jólagjöfina snemma í ár, uppsagnarbréf frá WOW air.
