fbpx
Fimmtudagur 27.janúar 2022
Eyjan

Stjórnmálaflokkarnir biðja um hærri fjárframlög frá ríkinu, einstaklingum og fyrirtækjum í nýju frumvarpi

Ritstjórn Eyjunnar
Föstudaginn 7. desember 2018 18:30

Ekki missa af Helstu tíðindum dagsins í pósthólfið þitt

Lesa nánar

Þó svo Klaustursmálið sé sagt hafa sundrað vinnustaðarandanum á Alþingi og þingmenn sagðir forðast sexmenningana, virðast formenn og fulltrúar flokkanna að minnsta kosti geta komið sér saman um breytingarfrumvarp á lögum um fjármál stjórnmálaflokkanna, nánar tiltekið hækkanir á framlögum ríkisins, einstaklinga og fyrirtækja til þeirra.

Þau Katrín Jakobsdóttir, Bjarni Benediktsson, Sigurður Ingi Jóhannsson, Logi Einarsson, Sigmundur Davíð Gunnlaugsson, Þórhildur Sunna Ævarsdóttir, Guðmundur Ingi Kristinsson og Þorgerður Katrín Gunnarsdóttir eru flutningsmenn frumvarps sem felur í sér að stjórnmálaflokkar megi taka við hærri fjárframlögum en hingað til, frá einstaklingum og fyrirtækjum. Í dag er hámarkið 400 þúsund krónur, en lagt er til að það hækki í 550 þúsund krónur. Kjarninn greinir frá.

Í greinargerð frumvarpsins segir:

„Meginmarkmið frumvarpsins er að treysta rekstrargrundvöll stjórnmálasamtaka og stuðla að því að framlög til þeirra tryggi að þau séu fær um að sinna því mikilvæga lýðræðishlutverki sem þeim er ætlað. Með frumvarpinu er ekki síður leitast við að jafna aðstöðu stjórnmálasamtaka, óháð stærð þeirra og auka gagnsæi í störfum þeirra almennt.“

Hækkun á viðmiði

Núgildandi reglur kveða á um að ef einstaklingur gefur 200 þúsund krónur eða meira, verði hann nafngreindur í ársreikningum flokkanna. Lagt er til að nafnleysisþakið sé hækkað í 300 þúsund krónur.

Í fyrra lögðu sex flokkar fram tillögu um að hækka framlög ríkisins til stjórnmálaflokka um 127 prósent og skiptu allir flokkar á þingi milli sín 648 milljónum, í stað 286 milljónum. Píratar og Flokkur fólksins voru ekki með á tillögunni, en nutu samt ágóða hækkunarinnar.

Frumvarpið tiltekur einnig að við endurskoðun á almennu framlagi ríkisins til stjórnmálaflokkanna, verði breytingar á vísitölum verðlags og launa haft til hliðsjónar. Ef miðað er við 2,7 prósenta hækkun líkt og verðbólguspár segja, fá stjórnmálaflokkarnir því 665 milljónir til skiptanna á næsta ári, eða 17,5 milljónum meira en síðast.

Einnig þurfa flokkarnir að skila inn ársreikningi fyrir 1. nóvember í stað 1. Október, og verða ársreikningar birtir í heild sinni, í stað útdráttar líkt og tíðkast hefur hingað til.

Frumvarpið tekur einnig á öðrum málum, eins og nafnlausum kosningaáróðri. Verður stjórnmálaflokkum, kjörnum fulltrúum og frambjóðendum gert óheimilt að „fjármagna, birta eða taka þátt í birtingu efnis eða auglýsinga í tengslum við stjórnmálabaráttu nema fram komi við birtingu að efnið sé birt að tilstuðlan eða með þátttöku þeirra.“ Brot gegn þessu varða sektum.

Á þetta að koma í veg fyrir rætin kosningamyndbönd og annan áróður sem sést hafa í aðdraganda kosninga á undanförnum árum. Frumvarpið nær þó ekki yfir mögulegan þriðja aðila, sem tengdur er stjórnmálaflokkum óbeint, en gengur samt erinda þeirra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Biden íhugar að senda mörg þúsund hermenn til Evrópu

Biden íhugar að senda mörg þúsund hermenn til Evrópu
Eyjan
Fyrir 3 dögum

Flytja bandaríska sendiráðsstarfsmenn frá Úkraínu vegna ótta við innrás Rússa

Flytja bandaríska sendiráðsstarfsmenn frá Úkraínu vegna ótta við innrás Rússa
Eyjan
Fyrir 4 dögum

SÞ segja að Íranar smygli vopnum til uppreisnarmanna í Jemen

SÞ segja að Íranar smygli vopnum til uppreisnarmanna í Jemen
Eyjan
Fyrir 4 dögum

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“
Eyjan
Fyrir 1 viku

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim

Ólöf segir börnin fært mestu fórnirnar í Covid faraldrinum þó sjúkdómurinn bíti minnst á þeim
Eyjan
Fyrir 1 viku

Skortur á orku yfirvofandi hér á landi

Skortur á orku yfirvofandi hér á landi