Í gær stóðu Vinstri græn og verkalýðshreyfingin fyrir fundi um kjaramál. Fundurinn var haldinn til að varpa ljósi á stöðuna vegna þeirra kjaraviðræðna sem framundan eru. Meðal þeirra sem tóku til máls á fundinum var Sólveig Anna Jónsdóttir formaður Eflingar.

„Við ætl­um vissu­lega að semja um krón­ur og aura, en við ætl­um líka að semja um lífs­skil­yrði í þeirra víðasta skiln­ingi. Og fólk sem læt­ur eins og það sé ekki hlut­verk verka­lýðshreyf­ing­ar­inn­ar að berj­ast á öll­um víg­stöðvum, að það sé ein­hvern veg­inn ekki kurt­eist eða fal­legt að segja að stjórn­mál­in eigi að svara kalli vinnu­afls­ins, er fólk sem op­in­ber­ar fá­fræði sína um eðli bar­átt­unn­ar.“

Morgunblaðið skýrir frá þessu. Fram kemur að Sólveig hafi sagt að grafalvarleg stéttaátök standi nú yfir.

„Ég full­yrði að lág­launa­fólk er ein­fald­lega búið að sjá í gegn um áróður­inn um brauðmol­ana og fólk er búið að sjá í gegn­um hina ógeðslegu vænt­inga­stjórn­un á lág­tekju­hóp­ana sem hér hef­ur verið stunduð og hef­ur nú umbreyst í það að ís­lenska hót­ana­mafían hef­ur frítt spil til að hræða og þvaðra viðstöðulaust.“

Sagði Sólveig að sögn Morgunblaðsins.