Hannes Hólmsteinn Gissurarson, prófessor í stjórnmálafræði við Háskóla Íslands, tekur nokkuð stórt upp í sig á Facebook þegar hann alhæfir nokkuð hressilega um að hægri sinnaðir „hugsuðir“ séu bæði skemmtilegri og snjallari en þeir vinstrisinnuðu, sem séu lítið annað en „geðvondir tautarar“:
„Hægrið á miklu skemmtilegri og snjallari hugsuði en vinstrið: Jordan Peterson, Sir Roger Scruton, Niall Ferguson og Matt Ridley. Vinstrið á lítið annað en geðvonda tautara, sem stagast sífellt á sömu málum, minnipokamenn. Ég ráðlegg öllu ungu fólki að lesa bækur þeirra Petersons, Sir Rogers, Fergusons og Ridleys og blogg þeirra og hlusta á fyrirlestra þeirra á Youtube.“
Ekki eru þó allir sammála Hannesi um þessa alhæfingu hans.
Í athugasemdarkerfinu er Hannes spurður að því hvernig hægt sé að þykjast vera kennimaður, en ráðleggja samt fólki að lesa svo einsleitt efni.
Þá eru sumir sem draga í efa að Jordan Peterson sé endilega hægri maður.
Aðrir benda á Chomsky, Monbiot, John Gray, Pilger og Klein sem skemmtilegri penna og margfróðari.
Ekki kemur fram hvort Hannes haldi þessum skoðunum á lofti í kennslutímum sínum í Háskóla Íslands, eða hvort lesefni hans endurspegli þessa alhæfingu hans.