Möguleikar ungs fólks á miðlungstekjum á því að eignast húsnæði í Bretlandi hafa minnkað um meira en helming á síðustu tveimur áratugum. Þetta er niðurstaða úttektar stofnunar sem nefnist Institute for Fiscal Studies. Guardian birtir frétt um þetta í morgun.
Skýringin er sú að verð húsnæðis hefur hækkað miklu meira en laun. Fyrir fólk sem er á aldrinum 25 ára til 34 ára og er með tekjur á bilinu 22.200 til 30.600 pund á ári. hefur hlutfall þeira sem eiga húsnæði sitt fallið niður í 27 prósent úr 65 prósentum fyrir tveimur áratugum.
Aðgöngumiðinn á húsnæðismarkaðnum er semsé orðinn alltof dýr. Ungt fólk þarf að vera komið úr efnuðum fjölskyldum til að geta keypt húsnæði. Ýmsar ráðstafanir hafa samt verið gerðar til að hjálpa fólki að kaupa sína fyrstu íbúð, meðal annars voru stimpilgjöld fyrir fyrstu íbúðarkaupendur afnumin. En afleiðing þess, eins og er gjarnan, var sú að húsnæðisverð hækkaði enn.
Í Bretlandi, og ekki síst eftir tíma Margaret Thatcher, hefur verið lögð mikil áhersla á að fólk eignist sitt eigið húsnæði, ekki ósvipað og er á Íslandi. Í Þýskalandi eru viðhorfin allt önnur, þar er lítil hefð fyrir því að ungt fólk basli við að kaupa húsnæði, enda er þar mjög sterkur leigumarkaður.
En hvernig er þetta á Íslandi?
