Helga Árnadóttir, sem gegnt hefur starfi framkvæmdastjóra Samtaka ferðaþjónustunnar frá 1. desember 2013, hefur ákveðið að láta af störfum. Þetta kemur fram í tilkynningu.
„Helga hefur verið ráðin til Bláa Lónsins sem framkvæmdastjóri Blue Lagoon Journeys ehf., dótturfélags Bláa Lónsins, sem vinnur að þróunarverkefnum félagsins. Hún hefur störf þar hinn 1. júní nk.
Helga hefur leitt starfsemi samtakanna undanfarin 4 ár, á mestu uppgangstímum í íslenskri
ferðaþjónustu. Stjórn SAF þakkar Helgu fyrir frábært starf í þágu greinarinnar og óskar henni
velfarnaðar á nýjum vettvangi.“
