Ekki að maður eigi von á öðru, en Ari Eldjárn fær stórgóðan dóm fyrir sýningu sína á hinni frægu leiklistarhátíð í Edinborg. Þetta birtist í morgun í dagblaðinu The Scotsman. Þarna er sýningu Ara lýst, hvernig hann gerir grín að Íslendingum og ýmsum Norðurlandaþjóðum, bregður fyrir sér tungumálum og mállýskum, en svo er sagt að þegar á líði verði hann skrítnari og súrrealískari.
Skemmtilegastar eru lokalínurnar þar sem segir að þessi maður, sem virðist frekar hógvær, hafi mörg afar sterk grínbrögð uppi í erminni.
Til hamingju Ari!
