Þýska tímaritið Der Spiegel er ekki myrkt í máli vegna mótmælaaðgerðanna í Hamborg meðan á fundi G-20 stóð. Þar voru unnin mikil eignaspjöll, kveikt í bílum, verslanir voru rændar og fjöldi lögreglumanna slasaðist. Fyrir aðgerðunum stóðu meðal annars anarkistar og svo hópar sem á þýsku kallast autonome.

Það er Stefan Kuzmany sem skrifar greinina í Spiegel og segir að í Hamborg hafi mátt horfa upp á tilgangslausa eyðileggingu. Það sem hafi farið þar fram sé í raun andstæðan við mótmæli.

Hann skrifar að sá sem spilli eigum almennings með þessum hætti sé enginn baráttumaður gegn alþjóðlegri fjármálavæðingu og í raun ekki raunverulegur mótmælandi. Önnur orð eigi við um þetta fólk: Þetta séu glæpsamleg fífl.

 Nein, wer die Bevölkerung in Angst versetzt, deren Anliegen er doch angeblich vertritt, wer deren Eigentum zerstört, obwohl er angeblich für Umverteilung von oben nach unten eintritt, der ist kein Kämpfer gegen die bösen Mächte des globalen Finanzkapitalismus, kein Protestler und kein Demonstrant. Für diese Menschen gibt es eine andere Bezeichnung: Sie sind kriminelle Idioten.

Maður getur svo velt því fyrir sér hvaða áhrif mótmæli af þessu tagi hafa á náunga eins og Trump, Pútín og Erdogan. Ætli sé ekki líklegt að þeir forherðist frekar en hitt. Réttlætisgangan frá Ankara til Istanbul sem lauk í gær er hins vegar magnaður gjörningur og ber vott um raunverulegt hugrekki.

Að taka selfie meðan eldar brenna.

Reiðhjólum varpað á bálkesti.

Mótmælandi í einkennisbúningi. Svört hettupeysa og andlitið hulið með svörtum klút.