Forskot Íhaldsflokksins breska á Verkamannaflokkinn fer minnkandi ef marka má nýjustu skoðanakannanir í Bretlandi. Þegar Theresa May forsætisráðherra og leiðtogi Íhaldsflokksins boðaði til kosninga í apríl síðastliðum benti allt til stórsigurs Íhaldsflokksins þar sem flokkurinn hafði rúmlega 20 prósentustiga forskot á Verkamannaflokkinn. Nýjasta könnunin, sem gerð var dagana 19. og 20. maí og náði til yfir þúsund manns um allt land sýnir Íhaldsflokkinn með 43% fylgi og Verkamannaflokkinn með 34% fylgi. Svipaðar tölur sýndi könnun YouGov.
Í dag er síðasti dagurinn til að skrá sig á kjörskrá en síðustu vikur hefur orðið mikil aukning á skráningum ungs fólks á aldrinum 18 til 24 ára, en hundruð þúsunda hafa skráð sig á undanförnum vikum sem boðar gott fyrir Verkamannaflokk Jeremy Corbyn en yngra fólk styður frekar Verkamannaflokkinn en Íhaldsflokkinn samkvæmt könnunum. Nú er Corbyn að reyna að afla meira fylgis meðal eldra fólks með því að lofa miklum öldruðum miklum kjarabótum, hefur hann sakað May um að ýta undir kynslóðastríð og að ráðast að kjörum aldraðra.
Kosningarnar í Bretlandi fara fram 8.júní næstkomandi.
