Hið einkennilega stríð Donalds Trumps gegn fjölmiðlum – og staðreyndum – heldur áfram. Nú er það listi sem Hvíta húsið hefur birt um hryðjuverk sem forsetinn og menn hans telja að lítið eða ekki hafi verið fjallað um.

Guardian gerir úttekt á þessu.

Á listanum er meðal annars að finna hryðjuverk í Berlín, París, Nice og í San Bernardino.

Þessi ódæðisverk eiga það sameiginlegt að vart var um annað fjallað í fjölmiðlum í marga daga – eins og Guardian sýnir fram á.

Eða er í raun einhver sem í alvörunni telur að of lítið sé sagt frá hryðjuverkaógninni – svona miðað við raunverulegt umfang hennar?