Óttar Proppé sýnist manni vera fyrsti ráðherrann í nýrri ríkisstjórn sem lendir í verulegum vandræðum – og kemur kannski ekki á óvart miðað við málaflokkinn sem hann tók að sér og hvernig stofnað var til stjórnarinnar.

Strax og stjórnin er tekin við völdum er kominn þrýstingur á einkavæðingu í heilbrigðiskerfinu, í þessu tilviki er það Klíníkin í Ármúla sem vill opna einkareikna legudeild vegna liðskiptaaðgerða. Bak við Klíníkina eru einstaklingar sem eiga sterk ítök í Sjálfstæðisflokknum, Ásdís Halla Bragadóttir og Ásta Þórarinsdóttir.

Óttar mun vera nokkuð tvístígandi, og það gerir róðurinn þyngri að Páll Matthíasson, forstjóri Landspítalans, skuli stíga fram og mótmæla þessum áformum. Páll segir að þetta flæki og grafi undir starfsemi Landspítalans.

Því að sérhæft starfsfólk, læknar og líka annað starfsfólk, er takmörkuð auðlind og við eigum þegar alveg nóg með það að tryggja viðunandi mönnun og sérhæfingu á Landspítalanum á þessu sviði.

Þannig að þetta er ansi mikil prófraun fyrir Óttarr og getur ráðið miklu um framhaldið og stöðu hans í ríkisstjórninni.