Hljómalindarreiturinn milli Laugavegs og Hverfisgötu var nokkuð villtur staður, kannski ekkert yfirmáta snyrtilegur, húsin voru hrörleg og mikið veggjakrot. En kannski má segja að þar hafi ríkt skapandi óreiða? Og þarna var hægt að gera ýmislegt sem kostar ekki beinharða peninga.
Nú er búið að byggja þetta allt upp á nýtt og þarna er komið torg milli gatnanna. Allt er þetta miðað við verslun, hótelrekstur eða veitingasölu. Torgið er ljómandi snyrtilegt, verslunarrýmin virka björt og rúmgóð, það er ekki gróður og engin óreiða.
Eða hvað segja lesendur um þessa breytingu?
