Vinsæl kosningapróf og niðurstöður þeirra ganga manna meðal á netinu. Það ber auðvitað að gjalda varhug við svona prófum – þau eru vart annað en samkvæmisleikur. Maður þarf allavega að skoða vel breyturnar í þeim, hvað það er sem veldur því að svarandi lendir á ákveðnum stað en ekki öðrum. Margar spurningarnar útheimta líka flóknari og blæbigðaríkarin svör er eru gefin upp.
Helstu kosningaprófin sem eru í gangi núna eru annars vegar á vef RÚV og svo Kosningavitinn svonefndur.
Og svo er líka hægt að spyrja hvort ásarnir séu heppilegir og ennfremur hvernig stjórnmálaflokkunum er raðað á þá. Til dæmis er spurt um alþjóðahyggju og þjóðhyggju og þá teljast þeir alþjóðasinnaðastir sem eru fylgjandi aðild að Evrópusambandinu, en svo mætti líka hugsa sér að setja upp ás þar sem væri reynt að greina frjálslyndi og stjórnlyndi.
Gunnlaugur Jónsson, hinn geðþekki frjálshyggjumaður, gerir grín að Kosningavitanum á síðu sinni á Facebook. Hann túlkar niðurstöðuna með þessum hætti.
