Edda Heiðrún Backman er látin. Það eru sorgleg tíðindi á þessum haustdegi. Hún stríddi við skelfileg veikindi, en bar þau af þvílíkri reisn að maður gat ekki annað en orðið snortinn.
Edda var frábær leikkona og listamaður – maður á minningar um hana þegar hún var í blóma lífsins, full af krafti og listrænum gáfum. Ein er þetta sérlega fallega lag eftir Hilmar Oddsson. Lagið er úr kvikmynd hans, Eins og skepnan deyr, frá 1986. Þar lék Edda aðalhlutverkið.
Það er við hæfi að spila þetta og minnast Eddu.
