Vilhjálmur Þorsteinsson kemur fram með hörðustu og málefnalegustu gagnrýni sem maður hefur séð á skuldaleiðréttinguna í pistli sem birtist hér á Eyjunni í dag.

Vilhjálmur birtir meðal annars þetta graf um þá sem hafa orðið fyrir „forsendubresti“ og þá sem hafa ekki orðið fyrir „forsendubresti“.

Vilhjálmur heldur því fram að leiðréttingin skili 27 milljörðum til fólks sem er eldra en 55 ára,  20 milljörðum króna til hjóna sem er með yfir 1,3 milljónir í mánaðartekjur, 36 milljörðum króna til hjóna sem eru með eigið fé í fasteign sem er yfir 13 milljónir og 25 milljörðum til hjóna sem eru með 24 milljónir í eiginfé í fasteign. Vilhjálmur birtir þessa skýringarmynd.

Vilhjálmur klykkir svo út með eftirfarandi orðum:

Stóra Millifærslan er meingölluð aðgerð, illa hugsuð og ómarkvisst útfærð. Meðferð ríkisstjórnarinnar á almannafé er að mínu mati forkastanleg. Við öll, og sérstaklega unga fólkið – skattgreiðendur framtíðar – eigum betra skilið en þennan galskap.

Þarna er gagnrýni sem stjórnvöld þurfa að svara.