Ég er þekktur fyrir ýmislegt annað en að vera sérfróður um ensku knattspyrnuna.
Og ekki þyki ég sérlega getspakur.
Samt fékk ég merka viðurkenningu nú í vikunni. Það kom í ljós að af öllum þeim sem hinn ágæti vefur fotbolti.net fékk til að spá um úrslit enska boltans í vetur reyndist ég vera sá sem giskaði oftast rétt.
Fyrst var ég efstur ásamt fimm öðrum. Svo var keppni okkar á milli – og þá fékk ég átta rétta.
Svörin voru ekki byggð á þekkingu – en ég giskaði heldur ekki alveg út í loftið.
Þeir eru ágætir strákarnir sem halda úti fotbolti.net, byrjuðu þegar þeir voru litlir drengir og halda ótrauðir áfram og hafa gert í 11 ár eða síðan 2002. Þetta er hinn fínasti vefur.