Kanadamenn ákváðu að senda ekki fulltrúa á fund Norðurheimskautaráðsins sem haldinn var  í Moskvu nú í vikunni. Þetta má lesa á vef CBC-News í Kanada og víðar á fréttamiðlum þar í landi. Málið hefur vakið mikla athygli þar.

Þetta er vegna framferðis Rússa í Úkraínu og á Krímskaga. Kanadastjórn hefur beitt Rússa fleiri refsiaðgerðum eins og takmörkunum á ferðafrelsi og viðskiptaþvingunum.

Stephen Harper, forsætisráðherra Kanda, segir að athæfi Rússa einkennist af „árásarhneigð, vopnaskaki og heimsvaldastefnu“.

Styrmir Gunnarsson gerir þetta að umtalsefni á Evrópuvaktinni. Hann spyr hvort fulltrúar frá Íslandi fari á slíkan fund?

Er ekki eðlilegast að svo sé  ekki?

Spurning er hvað Ólafur Ragnar Grímsson segir um það – eins og kunnugt er vildi hann ekki fara með málefni Úkraínu inn á vettvang Norðurskautssamstarfsins.

Stephen Harper, forsætisráðherra Kanada.