Í fyrirsögninni í Business Insider segir að þetta línurit sýni að ameríski draumurinn sé orðinn að brandara. Hann byggði á því að allir hefðu tækifæri til að komast áfram í lífinu og efnast.

Þarna má sjá félagslegan hreyfanleika í tuttugu og tveimur löndum. Félagslegur hreyfanleiki er mælikvarðinn á það hvort börn geti komist áfram í lífinu, óháð stöðu foreldranna. Þetta snýst semsagt um tækifærin í lífinu  – hvort ungt fólk er fast á þeim stað í tilverunni þar sem foreldrarnir eru.

Samkvæmt þessu eru lönd tækifæranna hér í nágrenni við okkur – Noregur, Danmörk, Finnland, Ísland er ekki með í þessari upptalningu. En það vekur athygli hversu illa Bretland kemur út, stéttaskiptingin þar lætur ekki að sér hæða, og reyndar líka Ítalía.