Auglýsingaherferð Samtaka atvinnulífsins er sérlega misráðin og til þess eins fallin að hleypa illu blóði í launafólk.

Það er ekki hægt að segja íslenskum launþegum að kaup þeirra sé vandamál og að verðbólgan sé þeim að kenna.

Kannski hafa sumir gullfiskaminni, en það er samt ekki hægt að breiða yfir gengishrun krónunnar og kjaraskerðinguna sem henni fylgdi.

Ein afleiðing þess er að að einkaneysla á Íslandi er of lítil – eins og margsinnis hefur verið nefnt. Hún eykst ekki nema launafólk hafi meira fé milli handanna og það geti horft fram á betri og stöðugri tíð.

Það getur verið að slíkt sé ómögulegt með íslensku krónunni. Hún er uppspretta óstöðugleika. Hún mun aftur taka dýfur – og þá verður aftur verðbólga og forsendubrestur.

Þetta vita þeir vel hjá Samtökum atvinnulífsins og þess virka auglýsingarnar falskar og óheiðarlegar. Þetta er afspyrnu vont pr.