Iceland Airwaves hátíðin er ótrúlega vel heppnað dæmi. Mig minnir reyndar að vont veður hafi sett svip sinn á hátíðina í fyrra, en nú blómstrar hún í góðu veðri snemma vetrar. Björtu og lygnu.
Það er makalaust hversu margt er á seyði út um allan bæ – tónleikar og tónlistarflutningur sem eru á hinni eiginlegu dagskrá hátíðarinnar og utandagskrár.
Gestir Iceland Airwaves setja mikinn svip á bæinn þessa vikuna. Þetta er upp til hópa prútt fólk sem fyllir tónleikahús, veitingastaði og verslanir.
Sýnir ágætlega hvers menningin er megnug.
