Paul Krugman skrifar áhrifamikinn pistil í New York Times þar sem hann leggur út af rannsóknum sem sýna hvernig misskipting auðsins eykst stöðugt í Bandaríkjunum.
Eitt af því sem Krugman nefnir er að 95 prósent af efnahagsbatanum síðan 2009 hafa runnið til 1 prósents þjóðarinnar sem mesta eiga peningana. Og reyndar segir hann að 60 prósent hafi farið til 0,1 prósents sem allra mest eiga.
Hinir ríku hafa semsagt náð rosalegum endurkomusigri, eins og það er farið að heita í íþróttafréttunum.
Hvernig ætli þróunin sé annars staðar í heiminum? Á Íslandi?
Hverjir eru að fá ríflegasta skerfinn af efnahagsbatanum hér?
