Hæsta hús í Evrópusambandinu, The Shard í London, verður formlega vígt á morgun.

Þetta er risastór píramíðdalagaður turn, teiknaður af arkitektinum fræga Renzo Piano, hann teygir sig 309 metra upp í loftið.

The Shard stendur á suðurbakka Thamesár, kippkorn frá Lundúnabrú.

Byggingin var fyrst fyrirhuguð árið 2000, en svo komu upp ýmis vandræði – meðal annars mótmæli frá nágrönnum. Húsið skipti um eigendur á tíma óvissu á fjármálamörkuðum, núverandi eigendur eru frá Quatar – og það verður emírinn frá Quatar sem opnar húsið formlega á morgun.

Þetta er umdeild framkvæmd og óvinsæl. Turninn mun gnæfa yfir Lundúnaborg og margir eru óánægðir með það, meðal annars Simon Jenkins sem skrifar í Guardian og segir að The Shard muni eyðileggja útsýnið yfir borgina. Jenkins segir að turninn sé vitni um tíma þegar ofstæki fjármagnsins sé ráðandi.

The Shard gnæfir yfir suðurbakka Thamesár, stutt frá Lundúnabrú og hinum vinsæla Bouroughmarkaði