Það eru vangaveltur í ummælakerfinu hér á vefnum um hvað verði ef Alþingi fellir Icesave-samninginn.

Þýðir það fall ríkisstjórnarinnar?

Steingrímur J. er að leggja undir pólitískan feril sinn í þessu máli. Það verður að segjast eins og er að þegar hann kemst loks til valda skortir hann ekki hugrekkið.

En ef ríkisstjórnin fellur þá gætu eftirfarandi kostir verið í stöðunni:

Stjórn Samfylkingar og Sjálfstæðisflokks. Semsagt sama stjórnarmunstur og var við lýði í hruninu?

Stjórn Sjálfstæðisflokks, Framsóknar og Vinstri gænna? (Þá hugsanlega án Steingríms.)

Stjórn Sjálfstæðisflokks, Framsóknarflokks, Borgarahreyfingar og þeirra þingmanna VG sem eru á móti Icesave?

Einhvers konar minnihlutastjórn, til dæmis Sjálfstæðisflokks og Framsóknarflokks?

Jú, svo má auðvitað hugsa sér einhvers konar þjóðstjórn eða utanþingsstjórn.

Eða þá að boðað verði til nýrra kosninga sem myndu fara fram síðsumars?