Ingibjörg Sólrún segir að mistök Samfylkingarinnar hafi verið að fylgja ekki eigin sannfæringu.

Þetta þarfnast nánari skoðunar.

Málið er að Samfylkinguna dreymdi ekki um að breyta Íslandi, hana dreymdi um að verða annar valdaflokkur, annar Sjálfstæðisflokkur.

Rétt eins og í Bretlandi þangað sem íslensk stjórnmál sækja fyrirmyndir. Blair gerði Verkamannaflokkinn að nýjum Íhaldsflokki, flokknum sem væri eðlilegt að hefði völdin. Það var meginhugmyndin.

Flokkurinn var galopin fyrir vindum samtíðarinnar. Þegar auðmenn sýndu Samfylkingunni áhuga, þá gladdist hún. Sá fram á að geta haft „viðskiptalífið“ líka í sínum röðum.

Viðskiptalífið hafði áður kosið Sjálfstæðisflokkinn eins og það lagði sig –  og gerir líklega áfram. Eða leifarnar af því.

Kannski er nóg að horfa á bílaflotann fyrir utan landsfund Sjálfstæðisflokksins til marks um þetta, eins og lesa má á þessu bloggi?