Hefði ekki verið nær að Erlendur Hjaltason bæði afsökunar á hlut sínum í hruni íslenska efnahagskerfisins, bæði sem formaður Viðskiptaráðs og sem forstjóri Exista?

Viðskiptaráð barðist fyrir því að allt yrði einkavætt, allar hömlur afnumdar og allt regluverk.

Þetta verður sjálfsagt fyrsta Viðskiptaþing í langan tíma þar sem þess er ekki krafist að Íbúðalánasjóður verði einkavæddur.

Í staðinn skammast Erlendur út í að umræðan sé ekki nógu jákvæð í sinn garð og fer svo að segja stjórnvöldum fyrir verkum.

Eins og ekkert hafi í skorist.

Forsætis- og fjármálaráðherra sitja samkomuna og flytja ræður.

Er ekki von á eldi og brennisteini frá þeim yfir þennan klúbb?