Dreifð eignaraðild
Hugtakinu um dreifða eignaraðild var breytt af Davíð Odssyni.
Hans túlkun var að dreifð eignaraðild merkti að mjög fáir ættu eignir mjög víða.
— — —
Lán til Samson vegna einkavæðingar
Mér sýnist lánafyrirgreiðsla Búnaðarbankans til Samson dæmi um klára pólitíska spillingu. Hvað segja þáverandi bankaráðsmenn Búnaðarbankans um þetta milljarðalán sem þeir bera ábyrgð á. Í mars 2001 skipaði Valgerður Sverrisdóttir eftirfarandi aðila í bankráðið (sbr: http://www.vidskiptaraduneyti.is/radherra/raedurVS/nr/416 ):
Magnús Gunnarsson, Þorsteinn Ólafsson , Árni Páll Árnason, Elín Sigfúsdóttir og Þórólfur Gíslason.
Þarna er til dæmis ráðherra í núverandi ríkisstjórn. Studdi hann lánafyrigreiðslu upp á milljarða til kaupenda á Landsbankanum? Hvernig rökstyður hann slík lán? Hvað segir hann um eftirstöðvar lánsins í dag?
— — —
Gjaldeyrismál
Mig langar að vekja athygli á því að ekki er nóg með að útflytjendur í sjávarútvegi
leggja tekjur sínar inn á gjaldeyrisreikning í stað þess að skipta þeim yfir í krónur,
heldur eru aðilar í ferðaþjónustu og verslunum komnir með posa sem gerir þeim kleift
að færa tekjur af erlendum kortum inn á gjaldeyrisreikning.
Sjá www.valitor.is
Þannig að það eru harla fáir að kaupa krónur þessa dagana.
Ég held að það sé kominn tími fyrir Steingrím og Jóhönnu
að festa gengi EUR við 130,0 og grípa ofangreinda aðila í bólinu.
Og leiðrétta þannig þá skekkju og græðgi sem komin er upp í þjóðfélaginu.
Ef gengið verður ekki leiðrétt verður að hækka launin fljótlega
til að forðast landflótta.
— — —
Tvöföld atkvæðagreiðsla
Þetta er ljóta bullið, get ég ekki annað sagt. Maður getur ekki vitað um hvað maður eigi að kjósa um því ekki er hægt að sjá hvað er í samningnum. Umræðan mun snúast um hræðslu-áróður, upphrópanir, spilað á IceSave, þjóðernishyggju, þröngsýni, samsæriskenningar og toppað með brigslum um landráð af mönnum sem segja að afhausa eigi alla sem vilja hugleiða ESB sem kost.
Ein stór risasandkassaumræða og þegar litið er yfir þá sem munu verða hvað verstir, þá fer um mann hrikalegur hrollur: öfgakristnir, þröngsýnir öfgkaþjóðernishyggjumenn, sjálfstæðismenn og nýfrjálshyggjumenn sem vilja viðhalda hér óbreyttu kerfi. Nú finsnt þeim skyndilega það góð hugmynd að halda þjóðaratkvæðisgreiðslu, nokkuð sem þeir lögðust margir á móti m.a. núna rétt fyrir kosningar.
Ef þessi sandkassa-leið verður ofan á, þá er það nokkuð ljóst að þetta verður eitt subbulegasta og ómalefnalegasta sem sést hefur hér á landi. Það nægir að skoða umræðuna hér og á Mogga-blogginu, sérstaklega þegar kemur að mörgum andstæðingum ESB.
— — —
Barnalánið
Það er eitt sem mig langaði að koma á framfæri til þín. Það virðist alveg hafa gleymst í umræðunni að svokallað „barnalán“ er á gjalddaga á sama tíma og Icesave (2016). Vita menn ekki af þessu? Hvað er þetta orðið hátt?
Ég geri ráð fyrir að þetta verði ekki létt byrði ofan á allt annað. Bendi þér á eftirfarandi hlekk:
http://is.wikipedia.org/wiki/Barnal%C3%A1ni%C3%B0
— — —
Það þarf járnaga
Það verður að skrifa allt regluverkið upp á nýtt. Fjárfestingasjóðir mega aldrei aftur hafa slíkan aðgang að innistæðum í bönkum, peningum tryggingafélaga eða sjóðum fyrirtækja. Það má aldrei aftur blanda saman hefðbundni bankastarfsemi og áhættufjárfestingum.
Þegar siðferðið er ekki merkilegra en raun ber vitni þá þarf járnaga í viðskiptalífinu.
— — —
Skuldsettur sjávarútvegur
Það er dapur að sitja undir áróðri er viðhafður er um fyrningarleið, og ekki síður kjarkleysi þingmanna Vinstri Grænna er þeir virðast vera heykjast á að standa við kostningaloforð sín í vor.
Í dag er sjávarútvegurinn 14 sinnum skuldsettari en hann var við tilkomu kvótakerfisis, svo hagkvæmnisrökin i núverandi kerfi eru ansi lagsótt, og nú er svo komið að um helmingur stafandi útgerða er gjaldþrota, og aðrar lafa á horriminni. Ekki hefur gengið betur við að viðhalda fiskistofnum með kerfinu, og er nú svo komið að við veiðum nær helmingi minna á ári nú en að meðaltali sl. 50 ár fyrir daga kvótakerfisins.
Við þurfum nýja og breytta stjórnunarhætti við fiskveiðar, og taka upp svæða-, veiðarfæra- og sóknarstýringu, menn verða vara opna augu og eyru fyrir því að núverandi kerfi leiðir til stórfellds brottkast afla, sem nemur tugum þúsunda tonna á ári.
Það getur enginn leyft sér að koma með fisk að landi er nær ekki markaðsverði á leigukvóta, svo einfalt er það.
Að lokum þá er eins og sá hluti úthlutaðs kvótans er fyrna á eigi bara gufa upp, en að sjálfsögðu kemur hann aftur til úthlutunar og þá til þeirra er hæfastir eru til að veiða hann.
Binni í Vinnslustöðinni sem er allra manna klárastur að reikna og setja upp í excel afkomu og afleiðingar fyrningarleiðar, ætti að birta opinberlega hversu mikið hann hefur leigt frá sér kvóta, og fyrir hvaða verð á sl. árum og jafnframt að upplýsa alþjóð hversu margar útgerðir og hverjar eru nú þegar gjaldþrota, og tóra nú upp á náð og miskun stjórnvalda.
— — —
Hefur okkur tekist vel upp?
Ég neyddist til að flýja kreppuna í upphafi ársins og bý nú í ESB ríkinu Danmörk. Það er sama í hvaða horn ég lít hérna, stjórnsýsla, bankakerfi, matvara – allt er mannlegra og frjálsara hérna. Nokkur lítil dæmi:
1. Þú getur keypt þér vörur á internetinu erlendis frá án þess að borga nokkurn toll eða vörugjöld.
2. Eitt kíló af gulrótum kostar 120 ikr
3. Það er frjáls verðlagning á mjókurvörum, ef þú vilt ekki kaupa mjólkurlíter sem kostar 160 ikr þá getur keypt þennan við hliðina sem kostar 80 isk.
4. Þú getur fengið íbúðalán á föstum vöxtum í 30 ár, þannig er gert ráð fyrir að hluti afborgana af lánum minnki eftir því sem þú eldist og færð hærri tekjur, ekki þessi sama hugsun og heima að þú eigir alltaf að vera að borga sama hlutfall af tekjum í lán.
Ef þið horfið yfir síðustu áratugi íslensks lýðveldis, hefur okkur þá tekist svona svakalega vel upp með allt miðað við aðrar Evrópuþjóðir ? Getum við ekki aðeins látið af oflátinu og amk kannað það afhverju fólk getur frjálsara um höfuð strokið í öðrum löndum, gæti það hugsast að þeim hafi tekist eitthvað betur en íslendingum ?
